ដោយ Donald Lee
ភ្នំពេញ៖ ខណៈមន្រ្តីពាណិជ្ជកម្មអាមេរិក និងចិនបានជួបគ្នាកាលពីសប្តាហ៍មុនសម្រាប់កិច្ចចរចាចរចាពាណិជ្ជកម្មបឋម ប្រធានាធិបតីរងអាមេរិកលោក Mike Pence បានថ្លែងថា អាមេរិកនឹងមិនបន្ធូរបន្ថយចំពោះបញ្ហា ដែលធ្វើឱ្យមានតុល្យភាពពាណិជ្ជកម្មអាមេរិក-ចិន ហើយបានចោទប្រកាន់ចិនពីបទលួចកម្មសិទ្ធិបញ្ញាជាបន្តបន្ទាប់។
លោក Pence បានថ្លែងនៅក្នុងសន្និសីទវិនិយោគរបស់ស្ថាប័នមួយ កាលពីថ្ងៃព្រហស្បតិ៍ថា “យើងមានឱនភាពពាណិជ្ជកម្មចំនួន ៥០០ពាន់លានដុល្លារជាមួយចិន ហើយយើងប៉ាន់ប្រមាណថា យើងបានបាត់បង់ស្ទើរតែទាំងអស់នូវការលួចកម្មសិទ្ធិបញ្ញា”។
-->
លោក Pence បានការពារគោលនយោបាយសង្រ្គាមពាណិជ្ជកម្ម របស់ប្រធានាធិបតីអាមេរិកលោក Donald Trump ទោះបីជាសេដ្ឋវិទូភាគច្រើនបញ្ជាក់ថា វាបានធ្វើឱ្យសេដ្ឋកិច្ចពិភពលោកធ្លាក់ចុះ ហើយកំពុងជំរុញសេដ្ឋកិច្ចពិភពលោកឆ្ពោះទៅរកវិបត្តិសេដ្ឋកិច្ច។ របាយការណ៍ថ្មីៗនេះរបស់ Bloomberg បានប៉ាន់ស្មានថាសេដ្ឋកិច្ចពិភពលោកនឹងខាតបង់ទឹកប្រាក់ជិត៥៨៥ពាន់លានដុល្លារក្នុងឆ្នាំ ២០២១ ដោយសារបញ្ហាសង្គ្រាមពាណិជ្ជកម្មដែលកំពុងកើតមាន។
ឱនភាពពាណិជ្ជកម្មរបស់អាមេរិកជាមួយចិន បានកើនឡើងដល់៤២០ពាន់លានដុល្លារអាមេរិកកាលពីឆ្នាំមុន ហើយនៅតែបន្តជាបញ្ហាធំ សម្រាប់យុទ្ធនាការបោះឆ្នោតឡើងវិញរបស់ប្រធានាធិបតីអាមេរិកនៅឆ្នាំ២០២០។
លោក Pence បានមានប្រសាសន៍ទៀតថា “យុគសម័យនៃការចុះចាញ់ខាងសេដ្ឋកិច្ចបានកន្លងផុតទៅហើយ។ រដ្ឋបាលសាធារណរដ្ឋ និងប្រជាធិបតេយ្យមានឆន្ទៈក្នុងការទទួលយកនូវគុណវិបត្តិចំពោះកម្មករអាមេរិក និងការងារអាមេរិក ក្នុងនាមពាណិជ្ជកម្មជាមួយចិន ហើយថ្ងៃនោះនឹងត្រូវបញ្ចប់ហើយ។
លោក Pence បាននិយាយថា ប្រធានាធិបតីអាមេរិកលោកTrump មានកាតព្វកិច្ចដើម្បីការពារសេដ្ឋកិច្ចអាមេរិក និងការពារផលប្រយោជន៍របស់អាមេរិក។
លោក Pence បាននិយាយនៅក្នុងបទសម្ភាសន៍ នៅលើទូរទស្សន៍អាមេរិកថា “យើងស្ថិតក្នុងជំហរក្នុងការបង្កើនពន្ធទ្វេដង”៕
