ដោយ Donald Lee
វ៉ាស៊ីនតោនៈ ប្រធានាធិបតីសហរដ្ឋអាមេរិក លោក Donald Trump បានដាក់សម្ពាតយ៉ាងធ្ងន់ធ្ងរដល់ប្រទេសជប៉ុន ឱ្យចុះហត្ថលេខាលើកិច្ចព្រមព្រៀងពាណិជ្ជកម្មថ្មីដែលបានប្រកាសកាលពីសប្តាហ៍មុន ក្នុងការកាត់បន្ថយពន្ធលើទំនិញកសិកម្មរបស់អាមេរិក ដើម្បីជំរុញវិស័យកសិកម្ម។
យោងតាមរបាយការណ៍របស់ក្រសួងការបរទេសសហរដ្ឋអាមេរិក បានឱ្យដឹងកាលពីពេលថ្មីៗនេះថា ស្បៀងអាហារ និងផលិតផលកសិកម្មជាង៩០ភាគរយរបស់សហរដ្ឋអាមេរិក ដែលនាំចូលទៅក្នុងប្រទេសជប៉ុន នឹងមានពន្ធទាបឬគ្មាននៅពេលដែលកិច្ចព្រមព្រៀងនេះត្រូវបានអនុវត្តន៍។
-->
លោក Trump កំពុងដាក់សម្ពាធដល់បណ្តាប្រទេសអាស៊ីជាបណ្តើរៗ ដែលមានអតុល្យភាពពាណិជ្ជកម្មជាមួយអាមេរិក ក្នុងការទិញទំនិញរបស់អាមេរិក ចាប់តាំងពីលោកចូលកាន់តំណែងក្នុងឆ្នាំ២០១៦។ ប្រទេសចិន និងជប៉ុនគឺជាប្រទេសលំដាប់ទី២ និងមានសេដ្ឋកិច្ចឈរលំដាប់ទី៣ ; ដែលត្រូវដាក់សម្ពាធ ព្រោះប្រទេសទាំងនេះបង្កឱ្យមានសង្គ្រាមជាមមួយសហរដ្ឋអាមេរិក ដែលធ្វើឱ្យកំណើនសេដ្ឋកិច្ចពិភពលោកធ្លាក់ចុះ ដោយសារតែភាពមិនប្រាកដប្រជា និងការរំខាននៅក្នុងខ្សែសង្វាក់ផ្គត់ផ្គង់។
ស្របពេលដែលប្រទេសចិន ដែលមហាអំណាចសេដ្ឋកិច្ចទី២លើពិភពលោកកំពុងបន្តប្រឆាំង នឹងកលល្បិចលើការសម្ពាធរបស់លោក Trump ប្រទេសជប៉ុនបានបោះបង់ចោលដោយផ្តល់ឱ្យក្រុមហ៊ុនកសិកម្មអាមេរិក នាំចូលផលិតផលកសិកម្មចូលទៅទីផ្សារជប៉ុនដែលមិនធ្លាប់មានពីមុនមក។
លោក Trump បានកំណត់កិច្ចព្រមព្រៀងថ្មីនេះថា “អស្ចារ្យណាស់” ព្រោះវានឹងបន្ថយឬលុបចោលពន្ធលើសាច់គោ សាច់ជ្រូក ស្រូវសាឡី អាល់ម៉ុន ស្រានិងឈីស (Cheese) របស់អាមេរិកជាដើម។
កិច្ចព្រមព្រៀងពាណិជ្ជកម្មរវាងសហរដ្ឋអាមេរិក និងជប៉ុននឹងលុបចោល ឬកាត់បន្ថយពន្ធលើផលិតផលកសិកម្ម និងឧស្សាហកម្ម ដើម្បីលើកកម្ពស់ពាណិជ្ជកម្មទ្វេភាគីឱ្យមានលក្ខណៈរឹងមាំ ស្ថេរភាព និងផលប្រយោជន៍ទៅវិញទៅមក រវាងប្រជាជាតិយើងដែលមានចំនួនប្រហែល៣០ភាគរយ នៃផលិតផលក្នុងស្រុកសរុបសកល។ នេះបើយោងតាមសេចក្តីប្រកាសព័ត៌មានរបស់សេតវិមាន ដែលចុះហត្ថលេខាកិច្ចព្រមព្រៀងដោយលោក Trump និងនាយករដ្ឋមន្រ្តីជប៉ុនលោក ស៊ីន ហ្សូអាបេ។
លោក Trump បានដាក់សម្ពាធដល់ប្រទេសជប៉ុន ឱ្យមានតុល្យភាពលើឱនភាពពាណិជ្ជកម្មរវាងសហរដ្ឋអាមេរិក និងជប៉ុនដែលបានកើនឡើងដល់៦៧ពាន់លានដុល្លារដែលភាគច្រើន ធ្វើចំពោះការនាំចេញរថយន្តរបស់ជប៉ុនទៅកាន់សហរដ្ឋអាមេរិក។
ក្រុមអ្នកវិភាគបានលើកឡើងថា រដ្ឋាភិបាលជប៉ុន បានទទួលយកតាមការទាមទាររបស់លោក Trump ដើម្បីពង្រឹងការរៀបចំសន្តិសុខរបស់ខ្លួន ជាមួយសហរដ្ឋអាមេរិកនៅពេលដែលកូរ៉េខាងជើង បន្តសាកល្បងមីស៊ីលនៅជុំវិញដែនទឹករបស់ជប៉ុន។
ថ្មីៗនេះមន្រ្តីស៊ើបការណ៍សម្ងាត់កូរ៉េខាងត្បូងបានអះអាងថា នាវាមុជទឹករបស់កូរ៉េខាងជើង បានបាញ់មីស៊ីលផ្លោងនៅជិតវ៉ាន់សាន ដែលបានចុះចតចម្ងាយ៤៥០ គីឡូម៉ែត្រក្នុងសមុទ្រជប៉ុនកាលពីថ្ងៃពុធ។
មន្រ្តីរដ្ឋាភិបាលអាមេរិក និងកូរ៉េខាងជើង ត្រូវបានគេកំណត់ឱ្យបន្តកិច្ចពិភាក្សានុយក្លេអ៊ែរឡើងវិញនៅថ្ងៃសុក្រខាងមុខនេះ៕
