ដោយ Donald Lee
វ៉ាស៊ីនតោនៈ ប្រធានាធិបតីសហរដ្ឋអាមេរិក លោក Donald Trump បានពង្រីកសមរភូមិសង្គ្រាមពាណិជ្ជកម្មរបស់ខ្លួន ជាមួយនឹងបណ្តាប្រទេសនៅសហភាពអឺរ៉ុប (EU) ដោយបានគិតពន្ធទំនិញនាំចូលដែលមានតម្លៃ ៧,៥ពាន់លានដុល្លារ។
ការិយាល័យតំណាងពាណិជ្ជកម្មអាមេរិក កាលពីថ្ងៃពុធម្សិលមិញនេះបានបញ្ចេញបញ្ជីមុខទំនិញរបស់សហគមន៍អ៊ឺរ៉ុប ដែលនឹងត្រូវជាប់កាតព្វកិច្ចបង់ពន្ធ។ បញ្ជីពន្ធរបស់សហរដ្ឋអាមេរិកបានដំឡើង ២៥ភាគរយ លើស្រាវីស្គីរបស់ប្រទេសអៀរឡង់ និងប្រទេសស្កុតលែន រួមជាមួយនឹងឧបករណ៍ និងគ្រឿងម៉ាស៊ីនរបស់ប្រទេសអាឡឺម៉ង់ និងប្រទេសអេស្បាញ។
-->
អ្វីដែលគួរឱ្យកត់សម្គាល់បំផុតនោះ សហរដ្ឋអាមេរិកនឹងកាត់បន្ថយពន្ធ១០ភាគរយលើយន្តហោះដែលផលិតនៅប្រទេសបារាំង អាល្លឺម៉ង់ អេស្ប៉ាញ និងចក្រភពអង់គ្លេស។
ការដាក់ពន្ធត្រូវបានប្រកាសបន្ទាប់ ពីអង្គការពាណិជ្ជកម្មពិភពលោក (WTO) បានសំរេចអនុគ្រោះពន្ធរបស់សហរដ្ឋអាមេរិក លើការនាំចូលរបស់សហភាពអឺរ៉ុប ដែលត្រូវបានប្រតិកម្ម ចំពោះការឧបត្ថម្ភធនរបស់រដ្ឋខុសច្បាប់របស់សហភាពអឺរ៉ុប ផ្តល់ដល់ក្រុមហ៊ុនផលិតយន្តហោះ Airbus ។
លោក Trump បានឱ្យដឹងនៅក្នុងសន្និសីទសារព័ត៌មាន កាលពីថ្ងៃពុធម្សិលមិញនេះថា “អង្គការពាណិជ្ជកម្មពិភពលោកកាន់តែប្រសើរឡើង សម្រាប់ពួកយើងចាប់តាំងពីខ្ញុំបានចូលកាន់តំណែងជាប្រធានាធិបតីពី ព្រោះពួកគេ (WTO) យល់ថាពួកគេមិនអាចទទួលយកបាននូវអ្វី ដែលពួកគេបានចាកចេញឆ្ងាយ អស់រយៈពេលជាច្រើនឆ្នាំ ដែលកំពុងបង្កការខាតបង់សំរាប់អាមេរិក “។
អ្នកវិភាគបារម្ភថា ការពង្រីកសង្រ្គាមពាណិជ្ជកម្មសកល កំពុងធ្វើឱ្យកាត់បន្ថយ កំណើនផលិតផលសរុបក្នុងស្រុក និងជំរុញសេដ្ឋកិច្ចសកលឆ្ពោះទៅរកវិបត្តិសេដ្ឋកិច្ច។
ស្នងការពាណិជ្ជកម្មសហភាពអ៊ឺរ៉ុបបាននិយាយថា ខ្លួននឹងគ្មានជំរើសអ្វីក្រៅពីធ្វើបាតុកម្មតបវិញ ជាមួយនឹងការការដំឡើងពន្ធលើទំនិញ ដែលនាំចូលពីសហរដ្ឋអាមេរិក។
លោកស្រី Cecilia Malmstrom ស្នងការពាណិជ្ជកម្មសហភាពអឺរ៉ុប បានមានប្រសាសន៍ថា“ ប្រសិនបើសហរដ្ឋអាមេរិក សំរេចអនុវត្តវិធានការណ៍តបតនូវអ្វី ដែលអនុញ្ញាតដោយអង្គការពាណិជ្ជកម្មពិភពលោក វានឹងជំរុញឱ្យសហភាពអឺរ៉ុប ស្ថិតក្នុងស្ថានភាពមួយដែលយើងនឹងមិនមានជម្រើសអ្វីក្រៅពីធ្វើដូចគ្នា”៕
