ដោយ Donald Lee
បាងកកៈ មន្រ្តីពាណិជ្ជកម្មមកពីអាស៊ាន និងប្រទេសសេដ្ឋកិច្ចអាស៊ី និងប៉ាស៊ីហ្វិកធំបំផុត កំពុងបង្កើតប្លុកពាណិជ្ជកម្មធំបំផុតរបស់ពិភពលោក ដែលនឹងមានប្រជាជនចំនួន ៣,៥ ពាន់លាននាក់ បន្ទាប់ពីការរីកចម្រើនគួរឱ្យកត់សម្គាល់នៅក្នុងកិច្ចប្រជុំមួយនៅទីក្រុងបាងកកកាលពីចុងសប្តាហ៍កន្លងមកនេះ។
ប្រទេសដែលពាក់ព័ន្ធនៅក្នុងកិច្ចព្រមព្រៀងពាណិជ្ជកម្មសេរី នៃភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) បានចរចា និងឯកភាពភាគច្រើននៃជំពូកចំនួន ២០ ដែលពាក់ព័ន្ធនឹងកិច្ចព្រមព្រៀងនេះ។ ជំពូកពាក់ព័ន្ធនឹងការប្រកួតប្រជែង និងវិធីដោះស្រាយកិច្ចព្រមព្រៀងពាណិជ្ជកម្មសេរី ដែលមានរួចហើយជាមួយរដ្ឋជាសមាជិកមិនទាន់ត្រូវបានបញ្ចប់នៅឡើយទេ។
