ដោយ Donald Lee
ប៉េកាំងៈ ទីក្រុងប៉េកាំងបានព្រមានថា រាល់ការប៉ុនប៉ងជ្រៀតជ្រែកនៅហុងកុងនឹងនាំឱ្យមានអំពើហឹង្សានៅតាមដងផ្លូវ និងការដួលរលំនៃកិច្ចចរចាពាណិជ្ជកម្ម។ នេះបើយោងតាមសេចក្តីអត្ថាធិប្បាយមួយ ដែលត្រូវបានចេញផ្សាយនៅក្នុងកាសែត People’s Daily របស់រចិន។
រដ្ឋាភិបាលអាមេរិកបានអនុម័តច្បាប់ ‘ច្បាប់សិទ្ធិមនុស្ស និងលទ្ធិប្រជាធិបតេយ្យហុងកុងឆ្នាំ ២០១៩’ ដែលនឹងត្រួតពិនិត្យស្វ័យភាពនយោបាយ និងប្រជាធិបតេយ្យនៅក្នុងទឹកដីនេះកាលពីថ្ងៃ អង្គារកន្លងនេះ។
-->
ទីក្រុងប៉េកាំងបានព្រមានដល់សភាតំណាងរាស្ត្រអាមេរិកថា ប្រសិនបើច្បាប់នេះត្រូវបានបង្កើតឡើងជាច្បាប់នោះផលវិបាក នឹងក្លាយជាអស្ថិរភាពនៃទឹកដីហុងកុង និងភាពវឹកវរដែលកំពុងកើតមាន ដែលបានធ្វើឱ្យរញ្ជួយទីក្រុងអស់រយៈពេលជាច្រើនខែ។
សេចក្តីអត្ថាធិប្បាយនៅក្នុងកាសែត People’s Daily ដែលគ្រប់គ្រងដោយរដ្ឋ បានឱ្យដឹងថា “ការគាំទ្រសមាជិកសភាអាមេរិក ដែលអះអាងថាមានសម្រាប់ហុងកុងទំនងជានឹងរីករាលដាលការស្អប់ខ្ពើម និងនាំមកនូវអំពើហឹង្សាកាន់តែច្រើន នៅតាមដងផ្លូវក្នុងទីក្រុង”។
សេចក្តីអត្ថាធិប្បាយបានបន្ថែមថា “ក្នុងរយៈពេលប៉ុន្មានខែ បន្ទាប់ពីច្បាប់អាមេរិកត្រូវបានដាក់បង្ហាញក្នុងខែ មិថុនា ការតវ៉ាកាន់តែអាក្រក់ទៅៗ ដោយក្រុមបាតុករបានដុតបំផ្លាញ បំផ្លិចបំផ្លាញកន្លែងសាធារណៈ និងវាយប្រហារប៉ូលីស និងប្រជាជនក្នុងតំបន់”។
លោក Donald Trump មិនបានបង្ហាញពីការគាំទ្រខ្លាំងក្លាណាមួយ ចំពោះក្រុមបាតុករដែលគាំទ្រលទ្ធិប្រជាធិបតេយ្យ ដែលហៅពួកគេថាជា “កុបកម្ម”នៅក្នុងខែ សីហានោះទេ ប៉ុន្តែបានជំរុញឱ្យទីក្រុងប៉េកាំងគោរពសិទ្ធិមនុស្ស។
ក្រុមអ្នកវិភាគកំពុងទន្ទឹងរង់ចាំ ការចុះហត្ថលេខាលើតំណាក់កាលទី១ នៃកិច្ចព្រមព្រៀងពាណិជ្ជកម្មរវាងប្រទេស ដែលមានសេដ្ឋកិច្ចធំជាងគេទាំង២ នៅលើពិភពលោកដែលនឹងបញ្ចប់ការតំឡើងពន្ធគយពន្ធគយ និងបង្កើនការទិញកសិកម្មរបស់អាមេរិកដោយប្រទេសចិន។
លោក Trump បាននិយាយថា លោកជឿជាក់ថាកិច្ចព្រមព្រៀង “ដំណាក់កាលទី ១” នឹងត្រូវបានចុះហត្ថលេខា ក្នុងអំឡុងពេលវេទិកាសហប្រតិបត្តិការសេដ្ឋ កិច្ចអាស៊ី-ប៉ាស៊ីហ្វិក (APEC) នៅទីក្រុង Santiago ប្រទេសឈីលីនៅថ្ងៃទី១១ ខែ វិច្ឆិកា។
សេចក្តីអត្ថាធិប្បាយបានបន្ថែមថា “អ្វីដែលហុងកុងប្រឈមមុខ នាពេលបច្ចុប្បន្នមិនមែនជាបញ្ហាសិទ្ធិមនុស្ស និងប្រជាធិបតេយ្យទេ ប៉ុន្តែតម្រូវការដើម្បីបញ្ចប់អំពើហិង្សា និងភាពវឹកវរ ស្តារសណ្តាប់ធ្នាប់ និងលើកស្ទួយនីតិរដ្ឋឱ្យបានឆាប់ តាមដែលអាចធ្វើទៅបាន”៕
