ដោយ ប៊ី
ភ្នំពេញៈ អ្នកប្រើប្រាស់ឌីជីថលនៅអាស៊ាន នឹងត្រូវចំណាយ៣ដងច្រើនជាងមុននៅឆ្នាំ២០២៥។ នេះបើយោងតាមការសិក្សាថ្មីមួយ ពីក្រុមហ៊ុនហ្វេសប៊ុក និង Bain & Company។
ការសិក្សារួមគ្នារបស់ក្រុមហ៊ុនយក្សប្រព័ន្ធផ្សព្វផ្សាយសង្គម និងអ្នកពិគ្រោះយោបល់ផ្នែកគ្រប់គ្រងសកល ដែលបានចេញផ្សាយនៅសប្តាហ៍នេះបានរកឃើញថា ខណៈអតិថិជននៅអាស៊ីអាគ្នេយ៍ ចំណាយប្រាក់ជាមធ្យម១២៥ដុល្លារអាមេរិក លើការទិញតាមអនឡាញក្នុងឆ្នាំ២០១៨ ការចំណាយនេះត្រូវបានរំពឹងថា នឹងកើនឡើងលើសពីបីដងស្មើនឹង ៣៩០ដុល្លារក្នុងឆ្នាំ ២០២៥។
-->
ដោយសង្កត់ធ្ងន់អំពីការកើនឡើងជម្រើស ការចូលប្រើអ៊ិនធឺណេតកាន់តែប្រសើរ និងការកើនឡើងនៃធនធាន ដែលជាកត្តាដែលនឹងបន្តជំរុញ ការចំណាយកាន់តែច្រើនតាមអ៊ិនធឺណេត របាយការណ៍បានព្យាករណ៍ថា តំបន់អាស៊ីអាគ្នេយ៍ នឹងមានអ្នកប្រើប្រាស់ឌីជីថល ប្រហែល៣ ១០លាននាក់នៅឆ្នាំ២០២៥ បើប្រៀបធៀបទៅនឹង២៥០ លាននាក់នៅឆ្នាំ២០១៨ និងមានតែ៩០លាននាក់ប៉ុណ្ណោះក្នុងឆ្នាំ ២០១៥។
ការសិក្សាដែលមានចំណងជើងថា “Riding the Digital Wave” ការសិក្សាបានស្ទាបស្ទង់លើអ្នកឆ្លើយតប១២,៩៦៥ នាក់នៅទូទាំងសេដ្ឋកិច្ចធំៗទាំង៦ របស់អាស៊ានគឺឥណ្ឌូណេស៊ី ម៉ាឡេស៊ី ហ្វីលីពីន សឹង្ហបូរី ថៃ និងវៀតណាម និងបានសម្ភាសជាមួយនាយកប្រតិបត្តិជាង៣០នាក់ និងអ្នកវិនិយោគទុននៅក្នុងតំបន់នេះ ក្នុងការខិតខំ ដើម្បីរៀនអំពីឥរិយាបថ របស់អ្នកប្រើប្រាស់ឌីជីថលសព្វថ្ងៃ កំពុងផ្លាស់ប្តូរការចំណាយតាមអ៊ិនធឺណេតនៅក្នុងតំបន់។
ជាង៩០ភាគរយនៃប្រជាជនអាស៊ីអាគ្នេយ៍ បានភ្ជាប់អ៊ិនធឺណេតជាចម្បង តាមរយៈស្មាតហ្វូនរបស់ពួកគេកាលពីឆ្នាំមុន ហើយការតភ្ជាប់នេះរួមជាមួយនឹងការកើនឡើងប្រាក់ចំណូល ដែលបាននាំឱ្យមានឱកាសថ្មី សម្រាប់អ្នកជំនួញតាមប្រព័ន្ធអេឡិចត្រូនិក។
ពាណិជ្ជកម្មតាមប្រព័ន្ធអេឡិចត្រូនិក បានវ៉ាដាច់វិស័យទេសចរអេឡិចត្រូនិច (ការទិញ ឬកក់សំបុត្រតាមអនឡាញ) ដោយក្លាយជាវិស័យធំបំផុត នៅក្នុងសេដ្ឋកិច្ចឌីជីថលរបស់អាស៊ាន។
យោងតាមការចេញផ្សាយរបាយការណ៍អេឡិចត្រូនិច អាស៊ីអាគ្នេយ៍នៅឆ្នាំនេះដែលចេញផ្សាយដោយក្រុមហ៊ុន Google ក្រុមហ៊ុន Singaporean sovereign wealth fund Temasek និងក្រុមហ៊ុន Bain & Company កាលពីដើមខែនេះ៕ (ប្រភព៖ THE ASEAN POST)៕
