ដោយ ម៉ាណេត
ភ្នំពេញ បណ្តាប្រទេសកំពុងអភិវឌ្ឍន៍នៅអាស៊ី ត្រូវការវិនិយោគច្រើនជាង៥ ភាគរយនៃផលិតផលក្នុងស្រុកសរុបរបស់ខ្លួន ក្នុងរយៈពេលមួយទសវត្សរ៍ខាងមុខ ដើម្បីអាចបំពេញតាមតម្រូវការហេដ្ឋារចនាសម្ព័ន្ធនៃសេដ្ឋកិច្ច ដែលកំពុងរីកចម្រើនយ៉ាងឆាប់រហ័ស។ នេះបើយោងតាមសៀវភៅដែលបានបង្កើតថ្មី ដែលសហការបោះពុម្ពផ្សាយដោយធនាគារអភិវឌ្ឍន៍អាស៊ី (ADB)។
យោងតាមហិរញ្ញប្បទានហេដ្ឋារចនាសម្ព័ន្ធនៅអាស៊ី សៀវភៅថ្មីមួយដែលត្រូវបានកែសម្រួលដោយអនុប្រធានធនាគារអភិវឌ្ឍន៍អាស៊ី សម្រាប់ការគ្រប់គ្រងចំណេះដឹង និងការអភិវឌ្ឍប្រកបដោយចីរភាព លោក Bambang Susantonoបានសរសេរថា ភាគច្រើននៃបណ្តាប្រទេសនៅតំបន់អាស៊ី និងប៉ាស៊ីហ្វិក បច្ចុប្បន្នកំពុងវិនិយោគតិចជាងសំណើរ៥ ភាគរយនៃផលិតផលក្នុងស្រុកសរុប សម្រាប់ការអភិវឌ្ឍហេដ្ឋារចនាសម្ព័ន្ធ។ ក្នុងអត្រានេះ ហិរញ្ញប្បទានហេដ្ឋារចនាសម្ព័ន្ធដើម្បីរក្សា និងទ្រទ្រង់កំណើនសេដ្ឋកិច្ច និងការអភិវឌ្ឍនឹងក្លាយជាបញ្ហាប្រឈមដ៏លំបាក។
របាយការណ៍របស់ធនាគារអភិវឌ្ឍន៍អាស៊ីបានប៉ាន់ប្រមាណថា តម្រូវការហេដ្ឋារចនាសម្ព័ន្ធក្នុងការអភិវឌ្ឍអាស៊ី និងប៉ាស៊ីហ្វិកនឹងលើសពី ២២,៦ទ្រីលានដុល្លារ រហូតដល់ឆ្នាំ២០៣០ ឬ ១,៥ទ្រីលានដុល្លារក្នុងមួយឆ្នាំ។ ការប៉ាន់ប្រមាណកើនឡើងដល់ជាង២៦ ទ្រីលានដុល្លារ ឬ១,៧ទ្រីលានដុល្លារក្នុងមួយឆ្នាំ នៅពេលការកាត់បន្ថយការផ្លាស់ប្តូរអាកាសធាតុ និងប្រែប្រួលអាកាសធាតុត្រូវបានច្របាច់បញ្ចូល។
ដើម្បីដោះស្រាយបញ្ហាប្រឈមនេះ សៀវភៅផ្តល់ជូននូវវិធីសាស្រ្តគោលនយោបាយជាច្រើន ដូចជា ការធ្វើកំណែទម្រង់ហិរញ្ញវត្ថុសាធារណៈ និងស្ថាប័ន ដើម្បីបង្កើតបរិយាកាសអំណោយផល សម្រាប់ភាពជាដៃគូឯកជនសាធារណៈ។ វាផ្តល់នូវដំណោះស្រាយ ក្រៅទំរង់នៃការផ្តល់ហិរញ្ញប្បទានពន្ធ ការវិនិយោគឆ្លងកាត់ធំៗ និងការវិនិយោគថាមពល និងថាមពលឆ្លាតវៃ ដើម្បីជួយបំពេញគំលាតហិរញ្ញប្បទានហេដ្ឋារចនាសម្ព័ន្ធ។
សៀវភៅនេះ បានស្វែងយល់ពីវិធីសាស្រ្តហិរញ្ញប្បទានផ្សេងៗគ្នា ដើម្បីបើកមូលនិធិរយៈពេលវែងពីវិនិយោគិនស្ថាប័ន និងផ្តល់នូវយន្តការ ដើម្បីធ្វើឱ្យទីផ្សារមូលបត្រក្នុងតំបន់កាន់តែស៊ីជម្រៅ។
ឧទាហរណ៍ សៀវភៅនេះ ចូលទៅក្នុងកិច្ចខិតខំប្រឹងប្រែងរបស់បណ្តាប្រទេសនានាក្រោមអាស៊ានបូក៣ គឺប៊្រុយណេដារូសាឡឹម កម្ពុជា ចិន ឥណ្ឌូនេស៊ី ជប៉ុន កូរ៉េ ឡាវ ម៉ាឡេស៊ីមី យ៉ាន់ម៉ា ហ្វីលីពីន សិង្ហបុរី ថៃ និងវៀតណាម ក្នុងការអភិវឌ្ឍទីផ្សារមូលបត្របំណុលក្នុងស្រុក ដើម្បីផ្តល់ហិរញ្ញប្បទានក្នុងស្រុករយៈពេលវែង។ វាក៏ពិនិត្យមើលការប្រើប្រាស់សញ្ញាប័ណ្ណពណ៌បៃតង ដើម្បីផ្តល់ហិរញ្ញប្បទាន ដល់កំណើនប្រកបដោយចីរភាពនៅអាស៊ី។
លោក Susantono បានថ្លែងក្នុងការដាក់ឱ្យប្រើប្រាស់សៀវភៅនេះថា “ប្រទេសកំពុងអភិវឌ្ឍន៍នៅអាស៊ី ត្រូវខិតខំស្វែងរកដំណោះស្រាយហិរញ្ញប្បទាន ក្រៅប្រព័ន្ធថ្មីដើម្បីបំពេញតាមតម្រូវការវិនិយោគហេដ្ឋារចនាសម្ព័ន្ធដ៏ធំ។
លោកបន្តថា “ខ្ញុំជឿជាក់ថាបរិមាណសមូហភាព ដែលត្រូវបានរៀបចំឡើងដោយអ្នកជំនាញមកពីក្នុង និងក្រៅធនាគារអភិវឌ្ឍន៍អាស៊ី នឹងបង្កើតទិសដៅជាក់លាក់ និងរឹងមុំាសម្រាប់ហិរញ្ញប្បទានហេដ្ឋារចនាសម្ព័ន្ធ ក៏ដូចជាផ្តល់នូវការគិតគូរផងដែរ”៕
