ដោយ វុត្ថា
ភ្នំពេញ៖ សម្តេចតេជោ ហ៊ុនសែន នាយករដ្ឋមន្ត្រីនៃកម្ពុជាបានឱ្យដឹងថា កម្ពុជាបានចំណេញប្រាក់រាប់លានដុល្លារក្នុងមួយខែៗ ពីប្រជាពលរដ្ឋមិនប្រើប្រាស់អគ្គិសនីក្នុងរដូវត្រជាក់នេះ។
សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ក្នុងពិធីប្រគល់សញ្ញាបត្រជូនដល់និស្សិតនៃសាកលវិទ្យាល័យឯកទេសនៃកម្ពុជា (CUS) សរុបចំនួន ៦,៧៦២នាក់ ក្នុងនោះនារី ២,៧៦១នាក់ ដែលពិធីនេះធ្វើឡើងនៅមជ្ឍមណ្ឌលកោះពេជ្រ រាជធានីភ្នំពេញនៅថ្ងៃទី១១ ខែធ្នូ ឆ្នាំ២០១៩នេះ ថា រដូវត្រជាក់នៅក្នុងឆ្នាំនេះ មានរយៈពេលយូរ ដែលអូសបន្លាយរហូតដល់ខែមករា ដែលធ្វើឱ្យកម្ពុជាចំណេញប្រាក់រាប់លានពីការមិនប្រើប្រាស់អគ្គិសនីនេះ។
សម្តេចតេជោ បន្តថា ចំណែកប្រជាពលរដ្ឋក៏ចំណេញប្រាក់ច្រើនផងដែរ ចំពោះការមិនចំណាយថវិកាបង់ថ្លៃភ្លើង ឬទឹក ក្នុងមួយខែ ព្រោះខែត្រជាក់ ប្រជាពលរដ្ឋមិនប្រើមាស៊ីនត្រជាក់ និងកង្ហា ព្រោះវាត្រជាក់ពេក។
បើតាមសម្តេចតេជោ ចង់ឱ្យរដូវត្រជាក់នេះ អូសបន្លាយឱ្យបានវែង ដើម្បីចំណេញថវិកា និងឆ្លើយតបទៅការកង្វះខាតនៃការប្រើប្រាស់អគ្គិសនីក្នុងរដូវក្តៅនាពេលខាមុខនេះ។
តែយ៉ាងណាដោយសម្តេតេជោបានត្រៀម អគ្គិសនី ប្រមាណ៤០០ មេហ្គាវ៉ាត់ ដែលបាននឹងកំពុងសាងសង់នៅស្រុកល្វាឯម ក្នុងខេត្តកណ្តាល និងមកផ្សេងៗទៀត សម្រាប់ធ្វើផ្គត់ផ្គង់អោយគ្រប់តម្រូវការនៅក្នុងរដូវក្តៅខាងមុខនេះ៕
