ដោយ ប៊ី
ភ្នំពេញៈ ដោយមើលឃើញពីទីផ្សារលក់ធ្លាក់ចុះ ទំហំវិនិយោគអចលនទ្រព្យសរុបនៅសឹង្ហបូរីធ្លាក់ចុះ៣១,៨ភាគរយ និងមានតម្លៃ២២,៨៣ ពាន់លានដុល្លារគិតត្រឹមថ្ងៃទី ១៣ ធ្នូ ដែលជាកម្រិតទាបបំផុតចាប់តាំងពីឆ្នាំ២០១៦។
ទោះបីមានការធ្លាក់ចុះក៏ដោយ ក៏ CBRE នៅតែចាត់ទុកប្រតិបត្តិការអចលនទ្រព្យរបស់ប្រទេសសឹង្ហបុរីនៅឆ្នាំនេះថា គួរអោយគោរព ដោយសារប្រតិបត្តិការដែលមានទំហំធំដែលបានដាក់បញ្ចូល ដូចជាគម្រោង Mapletree Business City II, Duo និង ៣០ Raffles Place (ពីមុនហៅថា Chevron House)។
លំនៅដ្ឋានជាវិស័យនាំមុខគេ ដែលបានជំរុញទំហំវិនិយោគនៅឆ្នាំនេះ ដែលស្មើនឹង ៣២,១ភាគរយនៃទំហំទុនវិនិយោគសរុប។ នេះបណ្តាលមកពីការលក់ជាសាធារណៈ នៃតំបន់ដីលក់របស់រដ្ឋភិបាលចំនួន៩ (GLS) ។
ទោះយ៉ាងណាក្រុមហ៊ុន CBRE មិនរំពឹងថា និន្នាការនេះនឹងបន្ត ដោយពិចារណាលើការបង្កើតស្តុកលំនៅដ្ឋានដែលមិនទាន់លក់នោះទេ។ រដ្ឋាភិបាលក៏បានកាត់បន្ថយការផ្គត់ផ្គង់ដី សម្រាប់ការអភិវឌ្ឍលំនៅដ្ឋានក្រោមឆមាសទី១ នៃកម្មវិធីតំបន់លក់របស់រដ្ឋភិបាលឆ្នាំ២០២០៕
