ដោយ ប៊ី
ភ្នំពេញៈ ក្រុមហ៊ុនAngkor Resources Corp បានចុះហត្ថលេខាលើកិច្ចព្រមព្រៀងរកប្រាក់ចំណេញលើអាជ្ញាប័ណ្ណអូយ៉ាដាវរបស់ខ្លួន ជាមួយក្រុមហ៊ុនអភិវឌ្ឍន៍កាណាដាហូមមីអូយ៉ាដាវ (Hommy) ដើម្បីទទួលបានប្រយោជន៍រហូតដល់៧០ភាគរយចំពោះអាជ្ញាប័ណ្ណអូយ៉ាដាវ ខេត្តរតនគិរី នៅខាងជើងរបស់ក្រុមហ៊ុនAngkor ជាមួយនឹងការវិនិយោគសរុបចំនួន៤,៦លានដុល្លារអាមេរិក។
លោក Mike Weeks នាយកប្រតិបត្តិក្រុមហ៊ុន Angkor បានមានប្រសាសន៍ថា “យើងរីករាយដែលបានធ្វើការម្តងទៀត ជាមួយក្រុមហ៊ុនHommy។ ពួកគេជាដៃគូអភិវឌ្ឍន៍ដ៏ល្អលើក្រុងបានលុង”។ លោកបន្តថា“ទំនាក់ទំនងរបស់តំបន់អូយ៉ាដាវចំពោះការអភិវឌ្ឍនៅតំបន់អណ្តូងរ៉ែក្រុមហ៊ុន Mesco គឺមានផលប្រយោជន៍យ៉ាងខ្លាំង សម្រាប់យើងទាំងពីរ ហើយយើងរីករាយក្នុងការបន្តគំនិតផ្តួចផ្តើមនេះជាមួយគ្នា”។
លោកAdrian G. Mann នាយក និងជាទីប្រឹក្សាបច្ចេកទេសដល់ក្រុមហ៊ុន Hommy Oyadao Inc មានសុទិដ្ឋិនិយមអំពីផែនការរុករកភ្លាមៗសម្រាប់អូយដាវ។លោកបានថ្លែងថា “កន្លែងរុករករ៉ែរបស់ក្រុមហ៊ុន Mesco គឺប្រហែល៤០០ម៉ែត្រ ពីគោលដៅខួងដំបូងរបស់យើងដែលផ្អែកលើម៉ាស៊ីនEMខ្លាំង។
អាជ្ញាប័ណ្ណអូយ៉ាដាវ ស្ថិតនៅលើផ្ទៃដី២២២ គីឡូម៉ែត្រក្រឡានៅជិតព្រំដែនប្រទេសវៀតណាមដែលដំណើរការនៅខាងជើង និងខាងកើតនៃតំបន់អណ្តូងរ៉ែរបស់ក្រុមហ៊ុនMesco៕
