ដោយ ប៊ី
បាងកក៖ ការឡើងថ្លៃប្រាក់បាតថៃនៅតែជាកត្តាដែលបាននិងកំពុងធ្វើឱ្យអ្នកទិញអចលនទ្រព្យបរទេសនៅទីក្រុងបាងកក ធ្លាក់ចុះ និងស្វែងរកទិសដៅវិនិយោគផ្សេងជំនួសវិញ ដូចអចលនទ្រព្យអចលនទ្រព្យនៅកម្ពុជា និងជប៉ុន។
អ្វីៗបានបង្វែរទិសដៅអ្នកទិញមកពីចិនដីគោកដែលបានបន្ថយការទិញខុនដូរបស់ពួកគេនៅទីក្រុងបាងកក ដោយសារតែជម្លោះពាណិជ្ជកម្មរវាងអាមេរិក និងចិន ប្រាក់បាតឡើងថ្លៃ និងការផ្គត់ផ្គង់លើស។
អ្នកទិញមកពីចិន និងហុងកុងមានប្រមាណជា ៤០% នៃការទិញបរទេសពីខុនដូថៃសរុប។ នេះមានន័យថា វិស័យអចលទ្រព្យក្នុងស្រុកនឹងមានប៉ះពាល់ ប្រសិនបើអ្នកទិញចិនបន្ថយការការទិញ ដោយសារតែសេដ្ឋកិច្ចចិនធ្លាក់ចុះ។
លោកស្រី Apa Ataboonwongse ប្រធានសមាគមខុនដូនៅប្រទេសថៃបាននិយាយថា បរទេសបាននិងកំពុងសម្លឹងរកទិសដៅវិនិយោគផ្សេងៗនៅតំបន់ក្រៅពីប្រទេសថៃ ដោយវិបត្តិសេដ្ឋកិច្ចសកល និងការឡើងថ្លៃប្រាក់បាត។
លោកស្រី បានលើកឡើងថា ជនបរទេសកំពុងបង្វែទិសដៅខ្លួនទៅទិញអចលនទ្រព្យនៅកម្ពុជា និងជប៉ុន ព្រោះប្រាក់បាតឡើងថ្លៃមានន័យថាប្រាក់ចំណេញទាបជាងការវិនិយោគ។
លោកស្រីបានបន្តថា ប្រសិនបើស្ថាប័នហិរញ្ញវត្ថុរក្សាការបដិសេដផ្តល់ប្រាក់កម្ចីរបស់ពួកគេ វិធានការណ៍ជំរុញអចលនទ្រព្យរបស់រដ្ឋាភិបាលនឹងមានប្រសិទ្ធិភាពតិចតួច ពីព្រោះអ្នកអភិវឌ្ឍន៍អាចទទួលបានប្រាក់ចំណូលពីការលក់នៅពេលអចលនទ្រព្យនោះត្រូវបានផ្ទេរ។
លោកស្រីបាននិយាយថា អត្រាការបដិសេដការផ្តល់ប្រាក់កម្ចីអចលនទ្រព្យបានបន្តកើនឡើងក្នុងរយៈពេលប៉ុន្មានឆ្នាំចុងក្រោយនេះជាមួយនឹងអត្រាសរុប ៣០ ភាគរយ និងខ្ពស់ជាង ៥០ ភាគរយសម្រាប់គម្រោងមួយចំនួន។ អត្រាបដិសេធខ្ពស់ជាងនេះអាចបណ្តាលមកពីវិបត្តិសេដ្ឋកិច្ចដែលធ្វើឱ្យការទិញធ្លាក់ចុះ។
លោកស្រី Apa បាននិយាយថា តម្លៃអចលនទ្រព្យដោយជនបរទេសដែលបានទិញតាំងពីពាក់កណ្តាលឆ្នាំនេះគឺជិតដល់ ០ ភាគរយ ហើយរងផលប៉ះពាល់ដោយសារការធ្លាក់ចុះនៃសេដ្ឋកិច្ចពិភពលោក និងការឡើងថ្លៃប្រាក់បាត។
ពាក់កណ្តាលនៃការផ្គត់ផ្គង់លំនៅដ្ឋានថ្មីគឺខុនដូ ប៉ុន្តែខុនដូយូនីតប្រណីតមានចំនួន ៦០ ទៅ ៦៥ ភាគរយ នៃការផ្គត់ផ្គង់ថ្មីគឺនៅទីក្រុងបាងកក។
គណៈរដ្ឋមន្រ្តីថៃកាលពីថ្ងៃទី ២២ ខែតុលាបានអនុម័តលើកញ្ចប់វិធានការជំរុញអចលនទ្រព្យដែលរួមមានការកាត់បន្ថយប្រាក់កម្ចីបញ្ចាំបណ្តោះអាសន្ន និងថ្លៃសេវាផ្ទេរប្រាក់ទៅអត្រាតែមួយ ០,០១ ផាគរយ សម្រាប់លំនៅដ្ឋានដែលមានតម្លៃ ៣ លានបាត ឬតិចជាងនេះ។
កញ្ចប់នេះមានគោលបំណងជួយអ្នកអភិវឌ្ឍន៍លក់ចេញស្តុកចាស់របស់ខ្លួន។ ការកាត់បន្ថយថ្លៃសេវានេះនឹងត្រូវធ្វើឡើងនៅថ្ងៃទី ២៤ ខែ ធ្នូ ឆ្នាំ ២០២០ ។
ធនាគារ GH ក៏ផ្តល់ប្រាក់កម្ចីសម្រាប់គេហដ្ឋានចំនួន ២,៥ ភាគរយដែលមានតម្លៃ ៥០ ពាន់លានបាតសម្រាប់រយៈពេល ៣ ឆ្នាំ សម្រាប់អចលនទ្រព្យដែលមានតម្លៃមិនលើសពី ៣ លានបាត ខណៈក្រុមហ៊ុនអចលនទ្រព្យកំពុងរៀបចំយុទ្ធនាការផ្សព្វផ្សាយរួមគ្នាដើម្បីជំរុញតម្រូវការ។
លោក Charnkitt Dejvitak អនុរដ្ឋមន្រ្តីអមជាមួយនាយករដ្ឋមន្រ្តី ប៉ាន់ប្រមាណថា វិធានការណ៍ជំរុញអចលនទ្រព្យ ការដាក់អត្រាការប្រាក់ទាបរបស់ធនាគារ GH និងយុទ្ធនាការផ្សព្វផ្សាយនឹងជួយឱ្យការលក់អចលនទ្រព្យកើនឡើង ៥ ភាគរយនៅឆ្នាំក្រោយ។
លោកបន្តថា អ្នកអភិវឌ្ឍន៍អាចសម្របខ្លួនទៅនឹងផលប៉ះពាល់នៃតម្រូវការប្រាក់កម្ចីរបស់ធនាគារកណ្តាលថៃកាន់តែតឹងរឹងជាងមុន។
ទន្ទឹមនឹងនេះដែរលោកផាន់ណារិទ្ធ Chounchaisit ប្រធានសមាគមអចលនទ្រព្យថៃ បានមានប្រសាសន៍ថា អ្នកអភិវឌ្ឍន៍អចលនទ្រព្យជាង ៥០០ នាក់កំពុងចូលរួមក្នុងយុទ្ធនាការផ្សព្វផ្សាយនេះ៕ (ប្រភព បាងកកប៉ុស្តិ៍)
