ដោយ ប៊ី
ភ្នំពេញ៖ សប្តាហ៍នេះទីក្រុងព្រុចសែលត្រូវបានគេរំពឹងថានឹងឆ្ពោះទៅរកការដកការអនុគ្រោះពាណិជ្ជកម្មមួយចំនួនពីកម្ពុជា សហគមន៍អឺរ៉ុបដើម្បីឆ្លើយតបទៅនឹងស្ថានភាពនយោបាយរបស់ប្រទេសនេះ។
គណៈកម្មការអឺរ៉ុបបានសម្រេចដកការចូលពន្ធដោយមិនបង់ពន្ធសម្រាប់ទំនិញមួយចំនួនដែលមានតម្លៃជាង ៥ ពាន់លានដុល្លារដែលប្រទេសកម្ពុជានាំចេញទៅកាន់ប្លុកនេះក្រោមកម្មវិធីប្រព័ន្ធអនុគ្រោះ Everything but Arms (EBA) ដែលផ្តល់ផលប្រយោជន៍ដល់ប្រទេសក្រីក្រ។ នេះបើយោងតាមប្រភពជិតស្និទ្ធដែលធ្វើការសម្រាប់និតិពិធីត្រួតពិនិត្យប្រ័ព្ធអនុគ្រោះនេះ។
ប៉ុន្តែពួកគេនិយាយថា ទីក្រុងព្រុចស៊ែលទំនងជាមិនព្រមទទួលយកការដកប្រព័ន្ធអនុគ្រោះពន្ធពាណិជ្ជកម្មទាំងអស់ទេ ហើយរំពឹងថានឹងរក្សាការគាំទ្រមួយចំនួនសម្រាប់វិស័យកាត់ដេរដើម្បីជួយការពារជីវភាពរបស់កម្មកររោងចក្រ។
ការសម្រេចដកការអនុគ្រោះនេះនឹងអាចត្រឡប់វិញបាន និងចូលជាធរមាននៅដើមខែ សីហា លើកលែងតែរដ្ឋសមាជិកអឺរ៉ុប ឬសភាអឺរ៉ុបរារាំងសកម្មភាពនេះ។ ចាប់តាំងពីឆ្នាំ ២០១៧ មកប្រទេសកម្ពុជាបានចាប់ខ្លួន និងកាត់ទោសមេដឹកនាំប្រឆាំងលោកកឹម សុខា ពីបទក្បត់ជាតិ។
ក្រុមអ្នកការទូត បាននិយាយថា ទីក្រុងប្រ៊ុចសែលមានបំណងចង់បើកទ្វារចំហសម្រាប់ការសន្ទនាជាមួយទីក្រុងភ្នំពេញ និងមានការប្រុងប្រយ័ត្នក្នុងការជំរុញឱ្យរដ្ឋាភិបាលខិតទៅជិតប្រទេសចិន។
ម្នាក់ក្នុងចំណោមមនុស្ស ៣ រូបដែលធ្វើការសម្រាប់សេចក្តីសម្រេចចិត្តនេះ បាននិយាយថា “វាជាជំរើសធំពេកក្នុងការដកហូតអ្វីៗទាំងអស់។ អ្នករាល់គ្នាដឹងថា ប្រទេសចិននឹងទទួលបានប្រយោជន៍ពីបញ្ហានេះក្នុងន័យភូមិសាស្ត្រនយោបាយ”។
សហភាពអឺរ៉ុបបាននាំចូលទំនិញកម្ពុជាដែលមានតម្លៃ ៥.៣ ពាន់លានអឺរ៉ូនៅក្នុងឆ្នាំ ២០១៨ ដែលជាឆ្នាំថ្មីៗនេះដែលមានទិន្នន័យ ហើយប្លុកនេះគឺជាដៃគូពាណិជ្ជកម្មធំទី ២ របស់ប្រទេសនេះ បន្ទាប់ពីប្រទេសចិន។
ប្រព័ន្ធអនុគ្រោះ EBA អនុញ្ញាតឱ្យប្រទេសក្រីក្របំផុតនៅលើពិភពលោកទទួលការលើកលែងពន្ធ និងកូតា ចូលទីផ្សារអឺរ៉ុបសម្រាប់ផលិតផលទាំងអស់លើកលែងតែអាវុធ។ ប្រទេសកម្ពុជាគឺជាអ្នកទទួលផលធំជាងគេទី ២ បន្ទាប់ពីបង់ក្លាដែស។
លោក Daniel Rosario អ្នកនាំពាក្យគណៈកម្មាធិការបានបញ្ជាក់ថា ទីក្រុងព្រុចសែលនឹងធ្វើសេចក្តីសម្រេចចុងក្រោយលើប្រទេសកម្ពុជានៅពាក់កណ្តាលខែ កុម្ភៈ នេះ ដែលជាពេលវេលាកំណត់មួយឆ្នាំ ដោយការចាប់ផ្តើមនីតិវិធីដកកាលពីឆ្នាំមុន។
លោក បានបន្តថា “ដំណើរការគឺផ្អែកលើអង្គហេតុដែលទទួលបានក្នុងដំណើរការ និងការចូលរួមជាមួយប្រទេសកម្ពុជាក្នុងឆ្នាំកន្លងទៅនេះ។ វិធានការណ៍ណាមួយដែលអាចធ្វើទៅបាននឹងមានតុល្យភាពក្នុងការដោះស្រាយការរំលោភបំពានសិទ្ធិ ដែលបង្កឱ្យមាននីតិវិធីដកជាបណ្តោះអាសន្ន ស្របពេលជាមួយគ្នានេះដែរ រក្សាគោលបំណងអភិវឌ្ឍន៍នៃគម្រោងប្រព័ន្ធ “អ្វីគ្រប់យ៉ាងលើកលែងតែអាវុធ” (EBA)”៕ Financial Times
