សហគមន៍អឺរ៉ុបចេញសេចក្តីប្រកាសព័ត៌មានជាផ្លូវការដោយមិនដកប្រព័ន្ធអនុគ្រោះពន្ធពីកម្ពុជាទាំងស្រុងនោះទេ

ដោយ ប៊ី

ភ្នំពេញ៖ គណៈកម្មការអឺរ៉ុបបានសម្រេចដកផ្នែកមួយចំនួននៃការអនុគ្រោះពន្ធដែលបានផ្តល់ឱ្យកម្ពុជាក្រោមគម្រោងប្រពន័ន្ធអនុគ្រោះពន្ធពាណិជ្ជកម្ម អ្វីគ្រប់យ៉ាងលើកលែងតែអាវុធ (EBA) ។

ការដកការអនុគ្រោះពន្ធនេះ – និងការជំនួសរបស់ពួកគេជាមួយនឹងពន្ធស្តង់ដាររបស់សហភាពអឺរ៉ុប (ប្រទេសដែលអនុគ្រោះដល់ MFN) នឹងប៉ះពាល់ដល់ផលិតផលសម្លៀកបំពាក់ និងស្បែកជើងដែលបានជ្រើសរើស ហើយរាល់ទំនិញធ្វើដំណើរ និងស្ករ។ ការដកនេះមានចំនួនប្រមាណមួយភាគប្រាំ ឬ ១ ពាន់លានអឺរ៉ូនៃការនាំចេញប្រចាំឆ្នាំរបស់កម្ពុជាទៅកាន់សហភាពអឺរ៉ុប។ លើកលែងតែសភាអ៊ឺរ៉ុបនិងក្រុមប្រឹក្សាជំទាស់រឿងនេះ វានឹងចូលជាធរមាននៅថ្ងៃទី ១២ ខែសីហាឆ្នាំ ២០២០។

តំណាងជាន់ខ្ពស់ទទួលបន្ទុកកិច្ចការបរទេស និងគោលនយោបាយសន្តិសុខ / អនុប្រធានគណៈកម្មការអឺរ៉ុបលោក Josep Borrell បានថ្លែងថា “រយៈពេល ទំហំ និងផលប៉ះពាល់នៃការរំលោភរបស់កម្ពុជាទៅលើសិទ្ធិក្នុងការចូលរួមក្នុងនយោបាយ និងសេរីភាពនៃការបញ្ចេញមតិ និងសមាគមបានធ្វើឱ្យសហភាពអឺរ៉ុបគ្មានជំរើសអ្វីក្រៅពីការដកផ្នែកខ្លះនៃពន្ធលើការធ្វើពាណិជ្ជកម្ម។ សហគមន៍អឺរ៉ុបនឹងមិនឈរ និងឃ្លាំមើលនៅពេលដែលលទ្ធិប្រជាធិបតេយ្យត្រូវបានបំផ្លាញ សិទ្ធិមនុស្សត្រូវបានកាត់បន្ថយ និងការជជែកដេញដោលដោយគ្មានសេរីភាព។ ការសម្រេចចិត្តថ្ងៃនេះឆ្លុះបញ្ចាំងពីការប្តេជ្ញាចិត្តខ្ពស់របស់យើង ចំពោះប្រជាជនកម្ពុជា សិទ្ធិរបស់ពួកគេ និងការអភិវឌ្ឍប្រកបដោយចីរភាពរបស់ប្រទេស។ ដើម្បីអនុគ្រោះពាណិជ្ជកម្មឡើងវិញ អាជ្ញាធរកម្ពុជាចាំបាច់ត្រូវចាត់វិធានការចាំបាច់”។

លោក Phil Hogan គណៈកម្មការពាណិជ្ជកម្មម្នាក់ បានមានប្រសាសន៍ថា សហគមន៍អឺរ៉ុបប្តេជ្ញាជួយដល់ការអភិវឌ្ឍសេដ្ឋកិច្ច និងសង្គមរបស់ប្រទេសកម្ពុជាតាមរយៈការអនុគ្រោះពាណិជ្ជកម្ម។ ទោះយ៉ាងណា ការគោរពសិទ្ធិមនុស្សគឺមិនអាចចរចារបានសម្រាប់យើងទេ។ យើងទទួលស្គាល់ការរីកចម្រើនរបស់ប្រទេសកម្ពុជា ប៉ុន្តែការព្រួយបារម្ភដ៏ធ្ងន់ធ្ងរនៅតែមាន។ គោលបំណងរបស់យើងគឺថា អាជ្ញាធរកម្ពុជាបញ្ចប់ការរំលោភសិទ្ធិមនុស្ស ហើយយើងនឹងបន្តធ្វើការជាមួយពួកគេដើម្បីទទួលបាននូវលទ្ធផលនោះ។

សេចក្តីសម្រេចរបស់គណៈកម្មការដោះស្រាយការរំលោភសិទ្ធិមនុស្សដែលបង្កឱ្យមាននីតិវិធីនេះ ស្របពេលជាមួយគ្នានេះដែរអភិរក្សគោលបំណងអភិវឌ្ឍន៍នៃគម្រោងពាណិជ្ជកម្មរបស់សហភាពអឺរ៉ុប។ ខ្លួនទទួលស្គាល់ពីតម្រូវការដើម្បីបន្តគាំទ្រដល់ការអភិវឌ្ឍសេដ្ឋកិច្ចរបស់ប្រទេសកម្ពុជា និងការធ្វើពិពិធកម្មនៃការនាំចេញរបស់ខ្លួន។

ឧស្សាហកម្មដែលកំពុងលេចធ្លោទាំងអស់នៅកម្ពុជានឹងបន្តទទួលបានការចូលកូតា ដោយឥតគិតថ្លៃសម្រាប់ទីផ្សារអឺរ៉ុប។ សម្លៀកបំពាក់បន្ថែមតម្លៃខ្ពស់ និងស្បែកជើងប្រភេទខ្លះក៏នឹងបន្តទទួលបានការចូលកូតាដោយឥតគិតពន្ធលើទីផ្សារអឺរ៉ុប។

ការសម្រេចចិត្តរបស់គណៈកម្មការធ្វើឡើង បន្ទាប់ពីមានការចូលរួមស៊ីជម្រៅជាមួយរដ្ឋាភិបាលកម្ពុជា និងភាគីពាក់ព័ន្ធ។ ជាពិសេសក្នុងរយៈពេល ១២ ខែចុងក្រោយនេះ គណៈកម្មការ និងអង្គភាព European External Action Service បានធ្វើបេសកកម្មស្វែងរកការពិតនៅកម្ពុជា និងបានជួបប្រជុំជាច្រើនជាមួយអាជ្ញាធរកម្ពុជាទាំងផ្នែកបច្ចេកទេស និងនយោបាយ។

ទាក់ទងទៅនឹងសិទ្ធិស៊ីវិល និងនយោបាយមិនមានការរីកចម្រើនគួរឱ្យកត់សម្គាល់ទេ ចាប់តាំងពីការចាប់ផ្តើមនីតិវិធីដក EBA នៅខែកុម្ភៈឆ្នាំ ២០១៩។

ទោះយ៉ាងណាគណៈកម្មការទទួលស្គាល់នូវជំហ៊ានរបស់អាជ្ញាធរកម្ពុជា ជាពិសេសនៅក្នុងវិស័យសិទ្ធិការងារ និងសិទ្ធិដីធ្លី។ ទោះយ៉ាងណាក្តីកង្វល់ដ៏ធ្ងន់ធ្ងរនៅតែមានរួមទាំងរឿងក្តីរដ្ឋប្បវេណី និងព្រហ្មទណ្ឌដែលមិនទាន់បានដោះស្រាយប្រឆាំងនឹងសហជីពពាណិជ្ជកម្ម។

សហគមន៍អឺរ៉ុបបានបញ្ជាក់ជាថ្មីម្តងទៀតចំពោះតម្រូវការរបស់រដ្ឋាភិបាលកម្ពុជាក្នុងការបើកលំហនយោបាយឡើងវិញនៅក្នុងប្រទេសដើម្បីបង្កើតលក្ខខណ្ឌចាំបាច់ សម្រាប់ការបង្កើតឡើងវិញនូវក្រុមបក្សប្រឆាំងដែលអាចជឿទុកចិត្តបាន និងផ្តួចផ្តើមដំណើរការលទ្ធិប្រជាធិបតេយ្យនៃការផ្សះផ្សាជាតិ តាមរយៈការរួមបញ្ចូល និងពិតប្រាកដក្នុងការសន្ទនា។ នេះរួមបញ្ចូលទាំងការធ្វើឱ្យប្រសើរឡើងវិញនូវសិទ្ធិនយោបាយរបស់សមាជិកគណបក្សប្រឆាំង និងការលុបចោល / ការធ្វើវិសោធនកម្មច្បាប់ ដូចជាច្បាប់ស្តីពីគណបក្សនយោបាយ និងច្បាប់ស្តីពីសមាគម និងអង្គការមិនមែនរដ្ឋាភិបាល។

គណៈកម្មការ និងអង្គភាព European External Action Service នឹងបន្តការចូលរួមរបស់ពួកគេជាមួយអាជ្ញាធរកម្ពុជា និងឃ្លាំមើលស្ថានភាពសិទ្ធិមនុស្ស និងសិទ្ធិការងារនៅក្នុងប្រទេសយ៉ាងជិតស្និទ្ធ។ ក្នុងករណីប្រទេសកម្ពុជាបង្ហាញវឌ្ឍនភាពគួរឱ្យកត់សម្គាល់ ជាពិសេសលើសិទ្ធិស៊ីវិល និងនយោបាយគណៈកម្មការអាចពិនិត្យឡើងវិញនូវសេចក្តីសម្រេចរបស់ខ្លួន និងផ្តល់ការអនុគ្រោះពន្ធឡើងវិញក្រោមការរៀបចំរបស់ EBA៕