ដោយ ប៊ី
ភ្នំពេញៈ រដ្ឋាភិបាលកម្ពុជា និងក្រុមហ៊ុនកាណាដាEnerCam Co នឹងចុះហត្ថលេខាលើកិច្ចព្រមព្រៀងរុករកប្រេង សម្រាប់ប្លុកទី៨ ខេត្តខេត្តព្រះសីហនុ។ នេះបើយោងតាមលើកឡើងរបស់មន្រ្តីជាន់ខ្ពស់នៃអគ្គនាយកដ្ឋានប្រេងកាត។
លោកជៀប សួរ អគ្គនាយកអគ្គនាយកដ្ឋានប្រេងកាត របស់ក្រសួងរ៉ែ និងថាមពល ក្រសួងរ៉ែ និងថាមពល ត្រូវបានរាយការណ៍ថា ខ្លួនកំពុងចរចាលើកិច្ចព្រមព្រៀងជាមួយក្រុមហ៊ុនកាណាដា EnerCam Co ដើម្បីរុករកប្លុកទី៨។
លោកបន្តថា “ខ្ញុំសង្ឃឹមថា យើងនឹងឈានដល់កិច្ចព្រមព្រៀងស្តីពី ការរុករកប្រេងជាមួយក្រុមហ៊ុន ខណៈការចរចាកំពុងដំណើរការ”។លោកបន្តថា “ក្រសួងកំពុងផ្តល់អាទិភាព ក្នុងការទាក់ទាញវិនិយោគិនបន្ថែមទៀត មកវិស័យរ៉ែ និងថាមពលនៅក្នុងប្រទេសកម្ពុជា”។
ក្រុមហ៊ុន Angkor Gold Corp បានប្រកាសថា ក្រុមហ៊ុនបុត្រសម្ព័ន្ធរបស់ខ្លួនគឺក្រុមហ៊ុន EnerCam Resources Co Ltd (EnerCam) បានទទួលការយល់ព្រមពីរដ្ឋាភិបាលលើការស្នើសុំសម្បទានប្រេង និងឧស្ម័នចំនួន៧៣០០គីឡូម៉ែត្រនៅកម្ពុជា។
ជាមួយនឹងការយល់ព្រមនេះ ក្រុមហ៊ុនAngkor កំពុងបន្តការចរចារលើកិច្ចព្រមព្រៀង ចែករំលែកផលិតផលទាក់ទងនឹងអាជ្ញាប័ណ្ណ។
ការអនុម័តនេះ ក៏អនុញ្ញាតឱ្យក្រុមហ៊ុនAngkor បន្តការរុករកប្រេង និងឧស្ម័ននៅប្លុកទី៨ផងដែរ។
ក្រុមហ៊ុនបានឱ្យដឹងថា ប្លុកប្រេងទី៨ មានទីតាំងស្ថិតនៅក្នុងដែនសមុទ្រកំពង់សោម ដែលជាកន្លែងមិនទាន់ត្រូវបានរុករកប្រេង នៅភាគអាគ្នេយ៍នៃប្រទេសកម្ពុជា៕
