រដ្ឋាភិបាលអនុម័តលើគម្រោងបង្កើតរោងចក្រកាត់ដេរចំនួន១ទៀតក្រោមទុនវិនិយោគចំនួន២,៥លានដុល្លារ

ដោយៈ រ៉ាណេត

ភ្នំពេញៈ រដ្ឋាភិបាលបានអនុម័តគំរោងវិនិយោគ រោងចក្រថ្មីមួយទៀតដែលមានតម្លៃទឹកប្រាក់២,៥លានដុល្លារអាមេរិក។ គម្រោងនេះមានទីតាំងនៅស្រុកបរសេដ្ឋ ខេត្តកំពង់ស្ពឺ។

គណៈកម្មាធិការវិនិយោគនៃក្រុមប្រឹក្សាអភិវឌ្ឍន៍កម្ពុជា បានឲ្យដឹងក្នុងបណ្តាញទំនាក់ទំនងសង្គមរបស់ខ្លួនននារសៀលថ្ងៃទី៣​ មិនានេះថា តបតាមសំណើសុំវិនិយោគពីក្រុមហ៊ុន “TEXSSEL (CAMBODIA) CO., LTD.” ក្រុមប្រឹក្សាអភិវឌ្ឍន៍កម្ពុជាបានសម្រេចចេញ “វិញ្ញាបនបត្រចុះបញ្ជីជាស្ថាពរ” ជូនដល់ក្រុមហ៊ុនខាងលើ ដែលមានទីតាំងវិនិយោគស្ថិតនៅភូមិសេរីភត្ត ឃុំពោធិ៍អង្គ្រង ស្រុកបរសេដ្ឋ ខេត្តកំពង់ស្ពឺ មានទុនវិនិយោគប្រមាណ ២,៥លានដុល្លារអាមេរិក និងអាចបង្កើតការងារបានចំនួន ១.០៣៤កន្លែង។