ដោយហ្សូ លី
ភ្នំពេញៈ ក្រុមប្រឹក្សាអភិវឌ្ឍកម្ពុជា (CDC) គម្រោងដែលបានអនុម័តគ្របដណ្តប់លើវិស័យរួមមាន ការផលិតសម្លៀកបំពាក់ សណ្ឋាគារប្រណីត គ្រឿងប្រើប្រាស់ក្នុងផ្ទះ អំពូលភ្លើង អាគុយ សេវាកម្មនៅមន្ទីរពេទ្យជាដើម។
គម្រោងទាំងនេះ ជាការវិនិយោគរបស់ក្រុមហ៊ុនចំនួន២៩ផ្សេងៗគ្នា មានទីតាំងនៅរាជធានីភ្នំពេញ និងនៅខេត្តកំពង់ស្ពឺ កំពង់ឆ្នាំងតាកែវ ស្វាយរៀង ព្រះសីហនុ សៀមរាប និងកណ្តាល។គំរោងទាំងនេះ ត្រូវបានអនុម័តក្នុងខែកុម្ភៈកន្លងមកនេះ។
សកម្មភាពវិនិយោគទាំងអស់នេះ គឺជាការអនុវត្តតាមគោលនយោបាយអភិវឌ្ឍន៍ឧស្សាហកម្ម ឆ្នាំ២០១៥-២០២៥ របស់រដ្ឋាភិបាលដែលមានគោលបំណងបង្កើនចំណែកផលិតផលក្នុងស្រុកសរុប នៃឧស្សាហកម្មឧស្សាហកម្មពី២៤,១ភាគរយ ដល់៣០ភាគរយនៅឆ្នាំ២០២៥ ។
រដ្ឋាភិបាលក៏មានគោលបំណងធ្វើពិពិធកម្មការនាំចេញទំនិញ ដោយបង្កើនការនាំចេញសម្លៀកបំពាក់ និងវាយនភ័ណ្ឌដល់២០ភាគរយ និងមិនមែនវាយនភណ្ឌដល់១៥ ភាគរយ ខណៈជំរុញការនាំចេញផលិតផលកសិកម្មកែច្នៃ ដល់១២ភាគរយនៃការនាំចេញទាំងអស់នៅឆ្នាំ២០២៥។
ដោយឡែក បច្ចុប្បន្នកម្ពុជាក៏កំពុងរងផលប៉ះពាល់ ពីការខ្វះខាតវត្ថុធាតុដើមពីខាងប្រទេសចិន ដែលបង្ខំចិត្តឱ្យរោងចក្រ សហគ្រាសចំនួន៤០ បានស្នើសុំព្យួរការងារមួយរយៈ ហើយប៉ះពាល់ដល់រោងចក្រជាង២០០នៅទូទាំងប្រទេស។
ប៉ុន្តែយ៉ាងណាក៏ដោយ ទាំងក្រសួងការងារ និងក្រសួងជំនាញជាប់ពាក់ព័ន្ធដែលជាសេនាធិការរបស់រាជរដ្ឋាភិបាលកម្ពុជា បានប្រឹងប្រែងរិះរកវិធីសាស្រ្តធ្វើយ៉ាងណាពន្លឿនការនាំចូលវត្ថុធាតុដើមពីចិនឲ្យបានឆាប់រហ័សបំផុត ដែលពេលនេះវត្ថុធាត់ដើមទាំងនោះបាន កំពុងដឹកចេញពីប្រទេសចិន ហើយកម្ពុជា និងបានទទួលមុនគេដែលការអនុម័តគម្រោងវិនិយោគនេះ បង្ហាញពីសញ្ញាវិជ្ជមានសម្រាប់សេដ្ឋកិច្ចកម្ពុជា៕
