ដោយ ប៊ី
ភ្នំពេញៈ ធនាគារជាតិនៃកម្ពុជាបានលើកទឹកចិត្តធនាគារ និងស្ថាប័នទទួលយកប្រាក់បញ្ញើឱ្យបន្តផ្តល់ប្រាក់កម្ចី និងពន្យាពេលការប្រាក់សម្រាប់អាជីវកម្ម ដែលរងផលប៉ះពាល់ដោយការផ្ទុះឡើងនៃ Covid-19 ជាពិសេសនៅក្នុងឧស្សាហកម្មទេសចរណ៍។
ការអំពាវនាវរបស់ធនាគារជាតិនៃកម្ពុជា ធ្វើឡើងក្នុងកិច្ចប្រជុំជាមួយតំណាងមកពីស្ថាប័នធនាគារនិងមីក្រូហិរញ្ញវត្ថុ (MFIs) កាលពេលថ្មីៗនេះ ដើម្បីពិភាក្សានិងស្វែងយល់ពីយន្តការការពារសក្តានុពល ដោយសារការរីករាលដាលនៃ Covid-19 នៅទូទាំងពិភពលោក។
លោក រ័ត្ន សុវណ្ណនរៈ អគ្គនាយកត្រួតពិនិត្យនៃធនាគារជាតិនៃកម្ពុជា បានចេញវិធានការណ៍ចំនួន៣ ចំពេលមានការផ្ទុះឡើងនៃCovid-19 ដើម្បីធានាថាប្រតិបត្តិការអាជីវកម្មអាចបន្តនៅក្នុងវិស័យដែលរងផលប៉ះពាល់។
លោកបានថ្លែងថា ទី១ស្ថាប័នហិរញ្ញវត្ថុទាំងអស់ ត្រូវតែបន្តផ្តល់ប្រាក់កម្ចីយ៉ាងសកម្មដល់វិស័យអាទិភាពមួយចំនួន ដើម្បីធានានិរន្តរភាពនៃប្រតិបត្តិការអាជីវកម្ម។ ទី ២ ត្រូវចេះបត់បែន ក្នុងការត្រួតពិនិត្យលទ្ធភាពនៃការបន្ធូរបន្ថយ និងពន្យាពេលលើគោលការណ៍ និងការយកការប្រាក់ ពិសេសសម្រាប់ម្ចាស់សណ្ឋាគារ និងផ្ទះសំណាក់ និងអាជីវកម្មដែលទាក់ទងនឹងទេសចរណ៍។
ទី ៣ បន្តការត្រួតពិនិត្យ និងចាត់វិធានការបង្ការហានិភ័យមួយចំនួន លើបុគ្គលិក និងអតិថិជន ដើម្បីធានានូវនិរន្តរភាព នៃប្រតិបត្តិការនៅក្នុងវិស័យនេះ ដោយពិចារណាពីការរីករាលដាល Covid-១៩៕
