ដោយ ប៊ី
ម៉ានីលៈ បុគ្គលិកនៅទីស្នាក់ការកណ្តាលរបស់ធនាគារអភិវឌ្ឍន៍អាស៊ី (ADB) នៅទីក្រុងម៉ានីល ប្រទេសហ្វីលីពីន កំពុងធ្វើការជាបណ្តោះអាសន្ន ពីផ្ទះចាប់ពីថ្ងៃនេះតទៅ បន្ទាប់ពីមានការណែនាំថា អ្នកមកទស្សនកិច្ចម្នាក់នៅធនាគារបានធ្វើតេស្ត៍វិជ្ជមាន ចំពោះវីរុសកូវីដ ១៩។
ទីតាំងការិយាល័យកណ្តាលទីក្រុងម៉ានីល នឹងត្រូវបិទចាប់ពីថ្ងៃទី១២ ខែ មីនាដើម្បីធ្វើការសំអាត និងសម្លាប់មេរោគ។ ប្រតិបត្តិការធនាគារនឹងបន្ត។ គណៈគ្រប់គ្រងធនាគារអភិវឌ្ឍន៍អាស៊ី នឹងធ្វើការសម្រេចចិត្តនៅថ្ងៃខាងមុខ នៅពេលដែលត្រូវបើកទីតាំងធនាគារឡើងវិញ។
លោកស្រីDeborah Stokes អនុប្រធានផ្នែកកិច្ចសហប្រតិបត្តិការ និងរដ្ឋបាលនៃធនាគារអភិវឌ្ឍន៍ស៊ីបានឱ្យដឹងថា “សុវត្ថិភាពបុគ្គលិក អ្នកធ្វើទស្សនកិច្ចធនាគារ និងគ្រួសាររបស់ពួកគេ គឺមានសារៈសំខាន់បំផុតសម្រាប់យើង។ យើងកំពុងផ្តល់ការគាំទ្រដល់បុគ្គលិក ដែលមានទំនាក់ទំនងជាអ្នកធ្វើទស្សនកិច្ច”។
ធនាគារអភិវឌ្ឍន៍អាស៊ីប្តេជ្ញាថា នឹងសម្រេចបាននូវវិបុលភាព រាប់បញ្ចូលធន់ និងនិរន្តរភាពអាស៊ី និងប៉ាស៊ីហ្វិក ស្របពេលដែលការខិតខំប្រឹងប្រែងរបស់ខ្លួន ដើម្បីលុបបំបាត់ភាពក្រីក្រ។ បង្កើតឡើងក្នុងឆ្នាំ ១៩៦៦ ធនាគារនេះគ្រប់គ្រងដោយសមាជិកចំនួន ៦៨ ប្រទេសពោលគឺ៤៩មកពីតំបន់៕
