ប្រទេសថៃអនុញ្ញាតឱ្យចូលប្រទេសខ្លួន លុះត្រាមានលុយ១សែនដុល្លារ និងលិខិតបញ្ជាក់សុខភាព

ដោយ ហ្សូលី

ប្រទេសថៃៈ អាជ្ញាធរអាកាសចរណ៍ស៊ីវិលថៃ បានតម្រូវឱ្យអ្នកធ្វើដំណើរមិនថាជនជាតិថៃ ឬជនបរទេសនោះទេ ដែលធ្វើដំណើរតាមយន្តហោះ ត្រូវបង្ហាញលិខិតបញ្ជាក់ពីស្ថានភាពសុខភាព និងលុយ១០០,០០០ដុល្លារ ទើបអនុញ្ញាតឱ្យចូលប្រទេសខ្លួន។

នេះគឺជាយន្តការដែលអាជ្ញាធរថៃ តម្រូវឱ្យមានជាដាច់ខាតជៀសវាងការឆ្លងរីករាលដាលមេរោគកូវីដ១៩។ លិខិតដែលបញ្ជាក់ពីស្ថានភាពសុខភាពនោះ ត្រូវសង្កត់ធ្ងន់ត្រង់ថា បញ្ជាក់ឱ្យច្បាស់ថាអ្នកដំណើរនោះ ពិតជាគ្មានវីរុសទើបអនុញ្ញាតឱ្យចូលប្រទេសថៃ។ អាជ្ញាធរថៃទុករយៈពេលឱ្យ៧២ម៉ោង សម្រាប់អ្នកដំណើរទៅធ្វើការបញ្ជាក់ពីសុខភាពរបស់ខ្លួន។

មានប្រទេសចំនួន១៥ ដែលត្រូវមានលិខិតបញ្ជាក់ពីស្ថានភាពសុខភាពនោះ មានដូចជា ចក្រភពអង់គ្លេស Denmark បារាំង អាល្លឺម៉ង់ ជប៉ុន(តាមទីក្រុង) NetherLands ណ័រវេស អេស្ប៉ាញ ស៊ុលដង់ ស្វីស និងអាមេរិក។

មិនតែប៉ុណ្ណោះ ក្រុមហ៊ុនអាកាសចរណ៍សំណូមពរ ឱ្យអ្នកធ្វើដំណើរបង្ហាញពីការធានារ៉ាប់រ៉ង ដែលស្មើនឹងទឹកប្រាក់ប្រមាណយ៉ាងច្រើនណាស់១០០,០០០ដុល្លារ ដើម្បីប្រាកដថា ពួកគេអាចមានលទ្ធភាពព្យាបាលខ្លួនពីជំងឺកូវីដ១៩ បន្ទាប់ពីត្រូវដាក់ឱ្យនៅដាច់ដោយឡែក១៤ថ្ងៃសិន។ នេះសម្រាប់អ្នកធ្វើដំណើរណា ដែលបានឆ្លងកាត់ប្រទេសចិន ហុងកុង អ៉ីរ៉ង់ អ៉ីតាលី ម៉ាកាវ និងកូរ៉េជាដើម។

សម្រាប់អ្នកធ្វើដំណើររូប ណាដែលមិនមានលក្ខខណ្ឌគ្រប់គ្រាន់ ឬឯកសារដែលអាជ្ញាធរថៃត្រូវការទេនោះ គឺអាជ្ញាធរដាច់ខាតមិនអាចអនុម័ត ឱ្យអ្នកធ្វើដំណើរនោះហោះហើរឬឈានចូលមកប្រទេសថៃឡើយ។

អ្នកដែលអនុវត្តន៍តាមលក្ខខណ្ឌហើយ ត្រូវបានអនុញ្ញាតឱ្យឡើងជិះយន្តហោះ តែត្រូវផ្តល់អាស័យដ្ឋាន នៃកន្លែងស្នាក់នៅរបស់ពួកគេ នៅក្នុងប្រទេសថៃទាំងបែបបទជាលាយលក្ខណ៍អក្សរ ឬតាមកម្មវិធីទូរស័ព្ទ៕