ដោយ ប៊ី
អន្តរជាតិ៖ អ្នកពិគ្រោះយោបល់ផ្នែកអចលនទ្រព្យនៅប្រទេសថៃ បានឱ្យដឹងថា អ្នកទិញខុនដូសម្រាប់ការវិនិយោគកំពុងគ្រប់គ្រងទីផ្សារជាថ្មីម្តងទៀតតាមរយៈការស្វែងរកខុនដូសាងសង់ជាមួយនឹងតម្លៃបញ្ចុះ ហើយរំពឹងថានឹងទទួលបានប្រាក់ចំណេញក្នុងរយៈពេល ២ ឆ្នាំខាងមុខ នៅពេល ជំងឺរាតត្បាត COVID-19 ត្រូវបានគ្រប់គ្រង។
លោកស្រី Risinee Sarikaputra ប្រធានផ្នែកស្រាវជ្រាវ និងប្រឹក្សានៅក្រុមហ៊ុន Knight Frank Thailand បានថ្លែងថា ការបញ្ចុះតម្លៃយ៉ាងខ្លាំងពីអ្នកអភិវឌ្ឍន៍កំពូលៗ បានទាក់ទាញអ្នកទិញវិនិយោគជាច្រើននៅក្នុងខែនេះ បន្ទាប់ពីពួកគេបានបាត់ពីទីផ្សារ នៅពេលដែលការកំណត់ប្រាក់កម្ចីដល់តម្លៃបានចូលជាធរមានកាលពីឆ្នាំមុន។
លោកស្រីបាននិយាយថា “ពួកគេកំពុងតែវិលត្រឡប់មកវិញ ដោយគិតថា ធ្លាក់ចុះទីផ្សាយខុនដូមានតម្លៃសម្រាប់ការវិនិយោគនៅថ្ងៃនេះ” ។
ឧទាហរណ៍ ខុនដូយូនីតនៅតាមផ្លូវ Ratchadaphisek Road ត្រូវដាក់លក់ក្នុងតម្លៃ ២,៦ លានបាត ដែលជាការបញ្ចុះតម្លៃ ៤២ ភាគរយនៃតម្លៃខុនដូយូនីត ៤,២ លានបាត។
អ្នកអភិវឌ្ឍន៍កំពូលៗ នៅខែនេះ ដូចជាក្រុមហ៊ុន Sansiri ក្រុមហ៊ុនAnanda Development ក្រុមហ៊ុន Noble Development និងក្រុមហ៊ុន Major Development បានផ្តល់ការបញ្ចុះតម្លៃយ៉ាងច្រើនដើម្បីបញ្ចេញខុនដូទៅក្នុងទីផ្សារ និងទទួលបានសាច់ប្រាក់ មុនពេលវិបត្តិ COVID-19 កាន់តែអាក្រក់ទៅ ៗ។
លោកស្រី Risinee បាននិយាយថា “ការបញ្ចុះតម្លៃយ៉ាងច្រើនត្រូវបានអនុវត្តទៅលើយូនីតខុនដូដែលមានកំណត់ និងជាវិធីទាក់ទាញអតិថិជនមករកទីតាំងទាំងនោះ។ បើទោះបីជាយូនីតទាំងនោះត្រូវបានលក់អស់ អ្នកអភិវឌ្ឍន៍នឹងផ្តល់ឱ្យយូនីតផ្សេងទៀតក្នុងតម្លៃដ៏ទាប”។
លោកស្រី បានថ្លែងថា អតិថិជនជាងពាក់កណ្តាលគឺជាអ្នកវិនិយោគ។ អ្នកខ្លះបានលក់ភាគហ៊ុន ក្នុងអំឡុងពេលផ្សារភ័យស្លន់ស្លោ ហើយបានប្រើចំណូលដើម្បីទិញខុនដូ។
អ្នកខ្លះបានខ្ចីប្រាក់ដើម្បីទិញខុនដូ ខណៈដែលអ្នកអភិវឌ្ឍន៍បានផ្តល់ការបង់រំលោះប្រាក់កម្ចីមានទ្រព្យបញ្ចាំរយៈពេលពីរឆ្នាំ៕ Bangkok Post
