ដោយ ប៊ី
ភ្នំពេញៈ ភ្នាក់ងារវាយស្រាវជ្រាវសេដ្ឋកិច្ចរបស់អាមេរិក Moody’s Investors Service កាលពីពេលថ្មីៗនេះ បានដាក់ចំណាត់ថ្នាក់ក្រុមហ៊ុន Guangzhou R&F Properties Co. , Ltd និងក្រុមហ៊ុន R&F Properties (HK) Company Limited (R&F HK) ជាក្រុមហ៊ុនស្ថិតក្នុងបំណុល ដោយមានការវាយតម្លៃថា អាជីវកម្មក្រុមហ៊ុនទាំងពីរមានការធ្លាក់ចុះ។
ទស្សនវិស័យលើក្រុមហ៊ុនទាំងពីរលែងមានស្ថេរភាព។ នេះបើយោងតាមការភ្នាក់ងារ Moody’s។ ក្រុមហ៊ុន R&F HK គឺជាក្រុមហ៊ុនបុត្រសម្ព័ន្ធដែលគ្រប់គ្រងដោយក្រុមហ៊ុន Guangzhou R&F ។
តារាងចំណាត់ថ្នាក់/ កត្តាដែលអាចនាំទៅដល់ការធ្វើឱ្យមានកំណើន ឬធ្លាក់ចុះនៃការវាយតម្លៃ។
លោក Josephine Ho អនុប្រធាន និងជាអ្នកវិភាគជាន់ខ្ពស់របស់ក្រុមហ៊ុន Moody’sមានប្រសាសន៍ថា “ការពិនិត្យឡើងវិញសម្រាប់ការធ្លាក់ចុះ របស់ក្រុមហ៊ុន Guangzhou R&F បានឆ្លុះបញ្ចាំងពីការព្រួយបារម្ភរបស់យើង ចំពោះការបង្កើនបំណុលខ្ពស់ និងហានិភ័យនៃសាច់ប្រាក់ងាយនឹងកើនឡើង”។
ក្រុមហ៊ុន Guangzhou R&F ជាប់បំណុលសរុបចំនួន៦២ពាន់លានយន់ ក្នុងរយៈពេល១២ខែបន្ទាប់ រួមមាន ទាំងមូលបត្របំណុល ដែលមានទំហំទឹកប្រាក់ចំនួន២១ ពាន់លានយន់ និងប្រាក់កម្ចីធនាគារមានចំនួន២៨ពាន់លានយន់ និងប្រាក់កម្ចី១៣ពាន់លានយន់ផ្សេងទៀត។
លើសពីនេះក្រុមហ៊ុន បានប្រកាសទូទាត់ភាគលាភគឺ១.២៨យន់ ក្នុងមួយហ៊ុនឬ ៤.៥ ពាន់លានយន់ ដែលនឹងត្រូវទូទាត់នៅត្រីមាសទី២ ឆ្នាំ ២០២០។
ការកាន់កាប់សាច់ប្រាក់របស់ក្រុមហ៊ុន មានចំនួន៣៨ពាន់លានយន់ នៅចុងឆ្នាំ ២០១៩ រួមជាមួយប្រាក់ចំណេញពីការលក់ បន្ទាប់ពីបានដកលំហូរសាច់ប្រាក់ប្រតិបត្តិមូលដ្ឋាន មិនគ្រប់គ្រាន់សម្រាប់ទូទាត់ការចំណាយទាំងនេះទេ ហើយក្រុមហ៊ុននឹងចាំបាច់ត្រូវបង្កើនបំណុលថ្មីដើម្បីសងបំណុលចាស់របស់ខ្លួន។
ក្រុមហ៊ុន Moody’s រំពឹងថា បំណុលរបស់ក្រុមហ៊ុន Guangzhou R&F ត្រូវបានវាស់វែងដោយប្រាក់ចំណូល/ បំណុលដែលបានកែតម្រូវ នឹងនៅតែខ្សោយដល់៤៤ភាគរយ/៤៦ភាគរយ នៅរយៈពេល១២–១៨ ខែបន្ទាប់ បើធៀបនឹង៤៤ភាគរយ នៅចុងឆ្នាំ ២០១៩។ អត្រានេះគឺខ្សោយ និងត្រូវកាត់បន្ថយភាពបត់បែន ផ្នែកហិរញ្ញវត្ថុ បើប្រៀបធៀបជាមួយគូរប្រជែងរបស់ខ្លួន៕
