ដោយវុត្ថា
ក្រចេះ លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអះអាងថា រហូតមកដល់ពេលនេះ គម្រោងសគម្រោងសាងសង់ស្ពានឆ្លងកាត់ទន្លេមេគង្គនៅខេត្តក្រចេះត្រូវបានបញ្ចប់កសិក្សា ស្របតាមការស្នើរបស់ប្រមុខរាជរដ្ឋាភិបាលម្ពុជាសម្តេចតេជោហ៊ុន សែន។
លោកទេសរដ្ឋមន្ត្រីស៊ុន ចាន់ថុល ក្នុងការចុះត្រួតពិនិត្យផ្លូវជាតិលេខ៧ (ក្រចេះ-ត្បូងឃ្មុំ) នាថ្ងៃទី១០ មិថុនា ២០២០នេះ បានបញ្ជាក់ថា ការសាងសង់ស្ពាននេះ គឺដើម្បីសម្រួលដល់ការធ្វើដំណើររបស់ប្រជាពលរដ្ឋ និងការដឹកជញ្ជូនទំនិញផ្សេងៗ ឆ្លងកាត់ស្ពាននេះ ពីខេត្តក្រចេះទៅកាន់ខេត្តកំពង់ធំ បានដោយស្រួល ហើយចំណាយពេលតិច។
-->
លោកបន្តថា “ការសិក្សាសាងសង់ស្ពានេះ បានចប់សព្វគ្រប់អស់ហើយ សៀវភៅ និងឯកសារផ្សេងៗមានទំាងអស់ ដោយត្រៀមតែក្រសួងសាធារណការ និងក្រសួងសេដ្ឋកិច្ចនិងហិរញ្ញវត្ថុ ពិភាក្សាគ្នាចចាតម្លៃ ជាមួយក្រុមហ៊ុនសាងសង់”។លោកបន្ថែមថា “នៅពេលចចារចប់ និងមានការឯកភាព ព្រមទាំងសុំការអនុញ្ញាតពីសម្តេចតេជោរួចរាល់ហើយនោះ ទើបក្រសួងសេដ្ឋកិច្ចធ្វើលិខិតស្នើទៅមិត្តចិនដើម្បីសុំប្រាក់កម្ចី ។ នេះគឺជានិតិវិធី តែយ៉ាងណាយើងបានសិក្សារួចរាល់អស់ហើយ “។
លោកបន្ថែបថា និតិវិធីមិនមែនចេះតែធ្វើស្រួលៗនោះទេ យើងត្រូវចូលរួមសិក្សាជាមួយគេ មើលឯកសារហើយ ពិនិត្យ និចចារហើយ រួចបញ្ជូនទៅមិត្តចិន ឱ្យគេពិនិត្យ ឯកភាព ឬមិនឯកភាព មានផលប៉ះពាល់ដល់បរិស្ថានដែរឬទេ ដូច្នេះសូមបងប្អូនយើងឱ្យយល់ផង។
នាយករដ្ឋមន្ត្រីនៃកម្ពុជា សម្តេចតេជោហ៊ុន សែន ធ្លាប់បានលើកឡើងថារដ្ឋាភិបាលមានគំរោងច្រើន ក្នុងការធ្វើស្ពានឆ្លងកាត់ទន្លេ ជាពិសេសស្ពានឆ្លងកាត់មេគង្គនៅខេត្តក្រចេះ មិនតែប៉ុណ្ណោះរដ្ឋាភិបាល នឹងធ្វើស្ពានឆ្លងកាត់នៅតាមព្រែកនានាថែមទៀត ក្នុងការធ្វើអោយសេដ្ឋកិច្ចរបស់ប្រជាពលរដ្ឋមានការរីកលូតលាស់។
សម្តេចបន្តថា “ខ្ញុំសង្ឃឹមថា កម្ពុជានឹងបន្តទៅមុខថែមទៀត ក្នុងដំណើរដ៏រឹងមុំា”។
បើតាលោកស៊ុនចាន់ថុល ស្ពានឆ្លងកាត់ទន្លេខនៅខេត្តក្រចេះមួយខ្សែនេះ មានប្រវែង១,៧៦១ ម៉ែត្រដែលនឹងត្រូវសាងសង់ឡើងក្រោមថវិកា កម្ចីសម្បទានពីសាធារណរដ្ឋប្រជាមានិតចិន ដោយប្រើប្រាស់រយៈពេលចន្លោះពី ២ទៅ៣ឆ្នាំ ក្នុងការសាងសង់៕
