ដោយ វិសេស
ភ្នំពេញៈ បុរី ប៊ូយ៉ុង សែនសុខ វិនិយោគដោយ ក្រុមហ៊ុន ប៊ូយ៉ុង ខ្មែរ II ខូ អិលធីឌី បានប្រកាសចាប់ផ្តើមលក់លំនៅដ្ឋានក្នុងបុរីរបស់ខ្លួននៅថ្ងៃទី២៩ កក្កដាខាងមុខនេះជាមួយលំនៅដ្ឋានទំនើបទាន់សម័យ និងអាចប្រកបអាជីវកម្មបាន។
ជាក្រុមហ៊ុនក្នុងស្រុកបង្កើតឡើងក្នុងឆ្នាំ២០០៧ និងជាបុត្រសម្ព័ន្ធរបស់ក្រុមហ៊ុន ប៊ូយ៉ុង គ្រុប នៃប្រទេសកូរ៉េ ដោយមានលោកបណ្ឌិតLEE JOONGKEUN ជាប្រធានក្រុមប្រឹក្សាភិបាល ហើយក៏ជាក្រុមហ៊ុនទី១ ដែលបានផ្គត់ផ្គង់លំនៅដ្ឋាននៅក្នុងប្រទេសកម្ពុជា។ បុរី ប៊ូយ៉ុង សែនសុខ ចាប់ផ្តើមលក់គម្រោងបុរី នាថ្ងៃទី ២៩ ខែកក្កដា ឆ្នាំ ២០២០ ដែលមានលំនៅដ្ឋានសរុបចំនួន៧១៦ផ្ទះ រួមមានផ្ទះប្រភេទសបហៅស៍ ផ្ទះល្វែង ផ្ទះលីង វីឡាភ្លោះ វីឡាឃ្វីន វីឡាឃីង ដែលបានសាងសង់លើផ្ទែដី១១ម៉ឺនម៉ែត្រក្រឡា ស្ថិតនៅភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។
លោក CHOI JUN YOUNG នាយកបុរីប៊ូយ៉ុង សែនសុខបានមានប្រសាសន៍ថា បុរីប៊ូយ៉ុង សែនសុខ គឺជាគម្រោងដំបូង ដែលចាប់ផ្តើមលក់ផ្ទះនៅកម្ពុជា ហើយរំពឹងថានឹងនាំមកនូវការកែលំអគុណភាពនៅក្នុងទីផ្សារ លំនៅដ្ឋាននៅកម្ពុជា។
ទីតាំងដែលពង្រឹងគុណភាពជីវិត ដោយនៅដាច់ដោយឡែកពីគេ គម្រោងបុរីប៊ូយ៉ុងសែនសុខ មានទីតាំងកៀកនឹងផ្សារទំនើបEAON Mall2 ដោយចំណាយពេលធ្វើដំណើរត្រឹមតែ5 ផ្សារទំនើបម៉ាក្រូ និងផ្សារទំនើបគ្លូប៊លហៅស៍។ ក្រៅពីនោះ គម្រោងបុរីប៊ូយ៉ុងសែនសុខក៏នៅជិតសាលាអន្តរជាតិមួយចំនួន ក៏ដូចជាក្លឹបវាយកូនហ្គោលផងដែរ។ បុរី ប៊ូយ៉ុង សែនសុខ មិនត្រឹមតែទាក់ទាញ ចំណាប់អារម្មណ៍វិនិយោគិនមួយចំនួនទេ ថែមទាំងទាក់ទាញចំណាប់អារម្មណ៍ អតិថិជនដែលមានបំណងរស់នៅពិតប្រាកដ។
ក្រុមហ៊ុន ប៊ូយ៉ុង គ្រុប គឺជាក្រុមហ៊ុនអភិវឌ្ឍន៍លំនៅដ្ឋានដ៏ធំបំផុតក្នុងប្រទេសកូរ៉េ
ក្រុមហ៊ុនប៊ូយ៉ុង គ្រុបបានសាងសង់ និងផ្គត់ផ្គង់លំនៅដ្ឋានចំនួន២៨០,០០០ផ្ទះរួចមកហើយដោយគិតចាប់តាំងពីឆ្នាំ១៩៨៣ ដោយផ្អែកលើបច្ចេកវិទ្យាសាងសង់លំនៅដ្ឋានទំនើបៗទាំងនេះ ក្រុមហ៊ុនបានប្តេជ្ញាសាងសង់ ផ្គត់ផ្គង់លំនៅដ្ឋាន ដែលមានសុវត្ថិភាពបំផុតដើម្បីបំពេញតម្រូវការរបស់ប្រជាជនក្នុងប្រទេសកម្ពុជា។
បន្ថែមពីលើនេះ ក្រុមហ៊ុនបានអនុលោមតាមច្បាប់សំណង់របស់ប្រទេសកម្ពុជាផងដែរ។
សម្រាប់ពត៍មានលម្អិតសូមទំនាក់ទំនងមកលេខទូរស័ព្ទ : 023-975-500៕
