ដោយ ៖ រ៉ាណេត
ភ្នំពេញ ៖ ជំនន់នៃការកកស្ទះចរាចរណ៍ជាប្រចាំនៅក្នុងរាជធានៅភ្នំពេញនៅពេលបច្ចុប្បន្ន បានក្លាយទៅជាមូលហេតុមួយក្នុងចំណោមហេតុផលជាច្រើនទៀត ដែលជំរុញឱ្យមនុស្សមួយចំនួនងាកមកចាប់អារម្មណ៍នឹងទីផ្សារខុនដូដែលស្ថិតនៅក្នុងក្រុង។
នាយកក្រុមហ៊ុនភ្នាក់ងារអចលនទ្រព្យ KW SEN SOK លោក សំ សុខនឿន បានមានប្រសាសន៍នៅរសៀលថ្ងៃទី២៥ ខែសីហា ឆ្នាំ២០២០នេះថា បច្ចុប្បន្ននេះ តម្រូវការទីផ្សារខុនដូពីសំណាក់ប្រជាជនខ្មែរចាប់ផ្តើមផុសផុលឡើងជាបណ្តើរៗហើយ ដែលតម្រូវការទាំងនេះមានកត្តាជំរុញជាច្រើន ហើយក្នុងនោះកត្តានៃការកកស្ទះចរាចរណ៍ក៏ជាហេតុផលមួយផងដែរ។
លោកបានបញ្ជាក់ថា “ខុសពីកាលពីប៉ុន្មានឆ្នាំមុន មនុស្សភាគច្រើនចាប់អារម្មណ៍ទៅលើការទិញលំនៅដ្ឋានផ្ទាល់ដីនៅតាមបណ្តាតំបន់ជាយក្រុង ប៉ុន្តែបច្ចុប្បន្ននេះ មានអ្នកខ្លះបានងាកមកចាប់អារម្មណ៍នឹងការទិញខុនដូក្នុងក្រុងសម្រាប់រស់នៅវិញ។ កាលពី ២-៣ ឆ្នាំមុន លំនៅដ្ឋាននៅតាមតំបន់ជាយក្រុងភាគច្រើនមានតម្លៃមិនលើសពី ៥–៦ ម៉ឺនដុល្លារនោះទេ ប៉ុន្តែពេលនេះតម្លៃផ្ទះត្រឹម ៧–៨ ម៉ឺនដុល្លារស្ទើរតែរកមិនមាន ហើយបើមានគឺស្ថិតនៅឆ្ងាយពីក្រុងបន្តិច ប៉ុន្តែលុយត្រឹម ៧–៨ ម៉ឺនដុល្លារដដែលអាចទិញខុនដូនៅក្នុងតំបន់ក្រុងបានហើយមានជម្រើសច្រើនទៀត”។
លោក សំ សុខនឿន បានមានប្រសាសន៍បញ្ជាក់ទៀតថា “ហេតុផលផ្សេងទៀត ដែលជម្រុញឱ្យកំណើននៃតម្រូវការខុនដូកើនឡើង ដែលក្រៅពីការប្រែប្រួលនៃតម្លៃលំនៅដ្ឋានកម្រិតមធ្យមនៅតាមតំបន់ជាយក្រុង គឺភាពងាយស្រួលក្នុងការរស់នៅក្នុងក្រុង ដែលគេចផុតពីភាពធុញទ្រាន់នៃការកកស្ទះចរាចរណ៍ ជាពិសេសការទទួលបានឱកាសចំណេញពីការវិនិយោគ ដែលជាធាតុដ៏សំខាន់មួយទៀតផងដែរ”។
ប្រធានគ្រប់គ្រងផ្នែកលក់ និងទីផ្សារគម្រោងខុនដូបែបប្រណីតកម្ពស់១១៦ម៉ែត្រ ស្ថិតនៅក្នុងខណ្ឌសែនសុខ រាជធានីភ្នំពេញ លោក លី ឡានី បានមានប្រសាសន៍ថា “សម្រាប់តែគម្រោងខុនដូ Phnom Penh Galaxy Garden ដែលកំពុងដំណើរការសាងសង់ពេលនេះ គឺមានទទួលបានការចាប់ពីអារម្មណ៍ពីសំណាក់អតិថិជនជាច្រើន ដែលក្នុងនោះភាគច្រើនគឺជាជនជាតិខ្មែរ និងជនជាតិចិន ខណៈដែលការផ្លាស់ប្ដូរបែបបទនៃការរស់នៅក្នុងតំបន់នេះកាន់តែមានភាពរីកចម្រើន។ ពេលនេះប្រជាជនខ្មែរភាគច្រើនបានស្វែងយល់ពីភាពងាយស្រួលក្នុងការរស់នៅក្នុងខុនដូ ដែលស្ថិតនៅតំបន់ក្រុង ហើយថែមទាំងបានបង្ហាញពីភាពទាន់សម័យដល់ជីវិតរបស់ពួកគេផងដែរ”។
លោក លី ឡានី បានបញ្ជាក់ឱ្យដឹងថា ការរស់នៅតាមខុនដូ Phnom Penh Galaxy Garden មានភាពងាយស្រួលច្រើន ជាពិសេស មានការផ្តល់ជូននូវសេវាកម្មជាច្រើន ដូចជាប្រព័ន្ធរក្សាសន្តិសុខ ២៤ ម៉ោង មានការដាក់កាមេរ៉ាគ្រប់ផ្លូវចេញចូល មានសេវាសម្អាតអនាម័យ ជួសជុលសម្ភាៈក្នុងយូនីត មានក្លឹបហាត់ប្រាណ អាងហែលទឹក ស្ប៉ា អាហារដ្ឋា ជាពិសេសមានផ្សារទំនើបនៅក្នុងអគារស្រាប់ជាដើម។ បន្ថែមពីនេះនៅមានស្កាយបារ Skybar ទីតាំងសម្រាប់រៀបចំពិធីជួបជុំគ្នាជាដើម។ ម៉្យាងទៀត ប្រៀបធៀបរវាងតម្លៃខុនដូនៅក្នុងក្រុង និងលំនៅដ្ឋានក្នុងក្រុង ច្បាស់ណាស់ថាខុនដូមានតម្លៃទាបជាង។
សម្រាប់គម្រោងខុនដូប្រណីតលើកដំបូងនៅក្នុងខណ្ឌសែនសុខ Phnom Penh Galaxy Garden រាជធានីភ្នំពេញ គឺមានលក្ខណៈពិសេសជាច្រើន ពោលគឺនៅក្នុងចំនួន ៣៣ជាន់ ត្រូវបានបែងចែកដាច់ដើយឡែកពីគ្នា។ ចាប់ពីជាន់ទី៣ឡើងទៅជាតំបន់ស្នាក់នៅ និងមានផ្សារទំនើបក្រោមដី មានសួនបៃតងនៅលើអាគារកម្ពស់១០០ម៉ែត្រ មានស្កាយបារលើអាកាស អាងហែលទឹកលើអាកាស ការិយាល័យធ្វើការ កន្លែងហាត់ប្រាណ កន្លែងក្មេងលេង បណ្ណាល័យ ភោជនីយដ្ឋាន ហាងកាហ្វេ ចំណតយានយន្តស្វ័យប្រវត្តិក្រោមដី (ចាប់ពីជាន់ក្រោមដីដល់ជាន់ទី៣)។
អតិថិជនអាចមានជម្រើសជាច្រើន ដែលយូនីតនីមួយៗមានទំហំពី៤៦ ទៅ១៤៨ម៉ែត្រការ៉េ ដោយគ្រាន់តែកក់ត្រឹម ៥០០ដុល្លារតែប៉ុណ្ណោះ ដើម្បីបានក្លាយជាម្ចាស់ ជាមួយនឹងការទទួលបាននូវកម្មវិធីបញ្ចុះតម្លៃពិសេសចាប់ពី ៥ – ១០ ភាគរយ ជាមួយការផ្តល់ជូនពិសេសក្នុងខែសីហានេះរួមមានៈ គ្រឿងសង្ហារឹមក្នុងបន្ទប់ ទូរទស្សន៍, ម៉ាស៊ីនត្រជាក់, ទូរទឹកក, សាឡុង, គ្រែគេង និង ទូរខោអារ។។ សម្រាប់ព័ត៌មានលម្អិតពីគម្រោង លោកអ្នកអាចទំនាក់ទំនងបានតាមរយៈទូរស័ព្ទលេខ ០៦៧ ៨៩ ៦៧ ៨៩ ៕
