ដោយ៖ ប៊ី
អន្តរជាតិ៖ ឱនភាពថវិការបស់សហរដ្ឋអាមេរិកបានឈានដល់កម្រិតខ្ពស់បំផុតគឺជាង ៣ ទ្រីដុល្លារអាមេរិក ដោយសារការចំណាយដ៏ច្រើនរបស់រដ្ឋាភិបាលលើការផ្តល់ជំនួយសង្គ្រោះប្រទេស ដើម្បីចាកចេញពីវិបត្តិ COVID-19។
ក្រសួងរតនាគារ បានឱ្យដឹងថា រដ្ឋាភិបាលបានចំណាយប្រាក់ច្រើនជាង ៦ ទ្រីដុល្លារក្នុងរយៈពេល ១១ ខែដំបូងនៃឆ្នាំនេះ រួមបញ្ចូលទាំងការចំណាយ ២ ទ្រីដុល្លារសម្រាប់កម្មវិធីប្រយុទ្ធប្រឆាំងជំងឺCOVID-19។
តួលេខនេះមានចំនួនច្រើនជាងប្រាក់ចំនួន ៣ ដុល្លារដែលខ្លួនបានទទួលពីពន្ធ។ (ឱនភាពថវិកា គឺជាចំនួនថវិកាដែលរដ្ឋបានចាយលើសចំណូល)
ឱនភាពនេះគឺច្រើនជាងទ្វេដងនៃកំណត់ត្រាពេញមួយឆ្នាំ ដែលបានកំណត់នៅក្នុងឆ្នាំ ២០០៩។ នៅពេលនោះ ទីក្រុងវ៉ាស៊ីនតោនកំពុងតែដោះស្រាយជាមួយនឹងវិបត្តិហិរញ្ញវត្ថុឆ្នាំ២០០៨។
មុនពេលមានរោគរាតត្បាតកើតឡើង សហរដ្ឋអាមេរិកនៅលើផ្លូវត្រូវក្នុងការរក្សាឱនភាពត្រឹមជាង ១ ទ្រីលានដុល្លារក្នុងឆ្នាំនេះ ដែលជាទំហំធំតាមស្តង់ដារជាប្រវត្តិសាស្ត្ររបស់ខ្លួន។
ប៉ុន្តែការចំណាយដែលបានអនុម័ត ដើម្បីព្យាយាមដោះស្រាយផលប៉ះពាល់ហិរញ្ញវត្ថុ ដែលបណ្តាលមកពីជំងឺCOVID-19 បានធ្វើឱ្យប៉ះពាល់ដល់ឱនភាពថវិកា។
ការិយាល័យ Congressional Budget Office ក្នុងខែនេះ បានព្យាករណ៍ថា សហរដ្ឋអាមេរិកទំនងជានឹងមានឱនភាពប្រចាំឆ្នាំពេញចំនួន ៣,៣ ទ្រីលានដុល្លារអាមេរិក ដែលច្រើនជាងការកើនឡើង ៣ ដង បើប្រៀបធៀបនឹងឆ្នាំមុន។
ទីភ្នាក់ងារខាងលើនេះ បាននិយាយថា ខ្លួនរំពឹងថាបំណុលសរុបរបស់សហរដ្ឋអាមេរិកនឹងកើនឡើងដល់ ២៦ទ្រីលានដុល្លារ៕
