ដោយៈ រ៉ាណេត
ភ្នំពេញៈ ជាការអបអរសាទរនឹងការទទួលបានកិច្ចគាំទ្រ ពីសំណាក់អតិថិជនរបស់ខ្លួន គម្រោងខុនដូប្រណីត Phnom Penh Galaxy Garden នឹងរៀបចំកម្មវិធីជួបជុំ និងកម្សាន្តនៅរាត្រីថ្ងៃទី២៧ ខែកញ្ញា ឆ្នាំ២០២០ខាងមុខនេះ ដោយមានការអញ្ជើញចូលរួមពីសំណាក់អតថិជន និងបណ្តាអ្នកវិនិយោគជាតិ និងអន្តរជាតិជាច្រើននាក់ ដែលមានឈ្មោះថា “ រាត្រីអ្នកវិនិយោគទុន ឬ Investor’s Night” ។
ប្រធានគ្រប់គ្រងទីផ្សារនៃគម្រោងខុនដូ Phnom Penh Galaxy Garden លោក លី ឡានី បានមានប្រសាសន៍នៅរសៀលថ្ងៃទី២២ ខែកញ្ញា ឆ្នាំ២០២០នេះថា តាមរយៈកម្មវិធីជួបជុំជជែក និងកម្សាន្ត “រាត្រីអ្នកវិនិយោគទុន ឬ Investor’s Night” នឹងនាំមកជូននូវអត្ថប្រយោជន៍យ៉ាងច្រើន ដល់បណ្តាភ្ញៀវកិត្តិយសដែលបានចូលរួម។
លោកលី ឡានី បានបញ្ជាក់ថា “កម្មវិធី រាត្រីអ្នកវិនិយោគទុន” នឹងប្រព្រឹត្តទៅរាត្រីថ្ងៃទី២៧ ខែកញ្ញា ឆ្នាំ២០២០ ចាប់ពីម៉ោង ៦-៩ យប់ ហើយក៏ជាកម្មវិធីលើកទី៣ នៃការជួបជុំ និងជជែកពិភាក្សាលើមុខជំនួញផ្នែកអចលនទ្រព្យ ជាពិសេសគម្រោងខុនដូប្រណីត Phnom Penh Galaxy Garden ដែលកំពុងទទួលបានប្រជាប្រិយភាពជាងគេ នៅក្នុងតំបន់នៃខណ្ឌសែនសុខ” ។
សម្រាប់អតិថិជន ក៏ដូចជាបណ្តាភ្ញៀវកិត្តិយស ដែលបានចូលរួមនឹងទទួលបាននូវអត្ថប្រយោជន៍យ៉ាងច្រើន ពីកម្មពិធីដ៏អស្ចារ្យមួយនេះ ដែលក្រៅពីបានជួបជុំ បង្កើនភាពស្និទ្ធស្នាល និងជជែកពិភាក្សាការងារលើមុខជំនួញ ថែមទាំងបានជ្រាបច្បាស់នូវលក្ខណៈពិសេសនៃគម្រោងខុនដីប្រណីត Phnom Penh Galaxy Garden រួមជាមួយនឹងការទទួលបានសន្លឹកឆ្នោតផ្សងសំណាង យកវត្ថុអនុស្សាវរីយ៍យ៉ាងសន្ធឹកសន្ធាប់ ជាពិសេសការឈ្នះរង្វាន់នូវលុយសុទ្ធរហូតដល់៥០០ដុល្លារភ្លាម។
ជាមួយគ្នានេះ អ្វីដែលរឹតតែអស្ចារ្យប្រចាំកម្មវិធី គឺការទទួលនូវការបញ្ចុះតម្លៃភ្លាមរហូតដល់ ៥០០០ដុល្លារ បន្ថែមពីកាដូជាច្រើន ដូចជា គ្រឿងសង្ហារឹមបំពាក់នៅក្នុងយូនីត ដោយគ្រាន់តែធ្វើការកក់លុយ លើកដំបូងត្រឹម ១០០០ដុល្លារ ដើម្បីក្លាយជាម្ចាស់កម្មសិទ្ធិនៃគម្រោងខុនដូប្រណីតមួយនេះ ដោយការផ្តល់ជូនមានចំនួនកំណត់ត្រឹមតែ១០យូនីតតែប៉ុណ្ណោះ។
គម្រោងខុនដូប្រណីតលើកដំបូង នៅក្នុងខណ្ឌសែនសុខ Phnom Penh Galaxy Garden មានលក្ខណៈពិសេសជាច្រើន ពោលគឺនៅក្នុងចំនួន៣៣ជាន់ ត្រូវបានបែងចែកដាច់ដើយឡែកពីគ្នា។ ចាប់ពីជាន់ទី៣ឡើងទៅជាតំបន់ស្នាក់នៅ និងមានផ្សារទំនើបក្រោមដី មានសួនបៃតងនៅលើអាគារកម្ពស់១០០ម៉ែត្រ មានស្កាយបារលើអាកាស អាងហែលទឹកលើអាកាស ការិយាល័យធ្វើការ កន្លែងហាត់ប្រាណ កន្លែងក្មេងលេង បណ្ណាល័យ ភោជនីយដ្ឋាន ហាងកាហ្វេ ចំណតយានយន្តស្វ័យប្រវត្តិក្រោមដី (ចាប់ពីជាន់ក្រោមដីដល់ជាន់ទី៣) ។ ដោយឡែកដែលចំពោះយូនីតនីមួយៗ មានទំហំពី៤៦ ទៅ១៤៨ម៉ែត្រការ៉េ ។
សម្រាប់ព័ត៌មានលម្អិតពីគម្រោង លោកអ្នកអាចទំនាក់ទំនងបានតាមរយៈទូរស័ព្ទលេខ ០៦៧ ៨៩ ៦៧ ៨៩ ៕
