ដោយវុត្ថា
ភ្នំពេញៈ ស្ថិតនៅក្នុងវិបត្តិសេដ្ឋកិច្ចសកល បានជំរុញឱ្យវិស័យជាច្រើន បានធ្លាក់ចុះទាំងការវិនិយោគ និងការធ្វើពាណិជ្ជកម្មលើផ្នែកជាច្រើន ប៉ុន្តែអ្នកជំនាញបានមើលឃើញថា ការវិនិយោគលើវិស័យអចលនទ្រព្យ នៅពេលគឺជាឱកាសសម្រាប់ទទួលបានផលចំណេញ។
លោក គាម សៀកឡុង អគ្គនាយកក្រុមហ៊ុន Century 21 Dream Property នៅក្នុងកិច្ចប្រជុំតាមរយៈកម្មវិធី ZOOM ស្តីពី “ការផ្ដល់ប្រឹក្សាអាជីវកម្មអចលនវត្ថុ” ដែលរៀបចំដោយសមាគមភ្នាក់ងារ និងវាយតម្លៃអចលវត្ថុកម្ពុជា នៅថ្ងៃទី ២៨ ខែតុលា ឆ្នាំ ២០២០នេះឱ្យដឹងថាបានឱ្យដឹងថា ការវិនិយោគលើវិស័យអចលនទ្រព្យគ្រប់ប្រភេទ គឺមានឱកាសចំណេញ ទាំងគម្រោងខុនដូ ដីធ្លី និងលំនៅឋានជាដើម ខណៈបច្ចុប្បន្ននេះ វិស័យអចលនទ្រព្យមួយចំនួន មានការបញ្ចុះតម្លៃ ឬតម្លៃក្រោមទីផ្សារ ដែលជាឱកាសម្រាប់អ្នកទិញ។
លោកបន្តថា“បើទីផ្សារកាន់តែឡើង វាជាឱកាសសម្រាប់អ្នកលក់ក្នុងការទារស្រេចតែចិត្ត ព្រោះថាបើកគាត់មិនទាន់លក់ គាត់មានឱកាសឡើងថែមទៀត។ នៅពេលដែលយើង ចរចារត្រូវហើយគាត់លែងលក់ ប៉ុន្តែនៅពេលដែលទីផ្សារថយថយ វាជាឱកាសសម្រាប់អ្នកទិញ” ។
លោកគាម សៀកឡុងបានបន្ថែមថា “ ប៉ុន្តែយ៉ាងណាក៏ដោយ អ្នកទិញត្រូវគិត និងប្រៀបធៀបទៅលើគម្រោងមួយណា វាជាឱកាសចំណេញជាង។ អ៊ីចឹង ម្ចាស់គម្រោងត្រូវការសាច់ប្រាក់ប្រើ គឺពួកគាត់ដាក់ចេញយុត្តិសាស្ត្រ ក្នុងការបញ្ចុះតម្លៃ ហើយបើពិនិត្យមើល យើងមានលទ្ធភាព យើងទិញ នោះទទួលបានផលចំណេញច្រើនហើយ។
លោកបញ្ជាក់ទៀតថា “ទីផ្សារអចលនទ្រព្យវាមានឡើង មានចុះ និងនៅទ្រឹង (វិលចុះវិលឡើង) យើងមិនមានអ្វីដែលគួរឱ្យបារម្ភនោះទេ ប៉ុន្តែអ្វីដែលយើងបារម្ភ គឺ យើងដោះដូរក្នុងរយៈពេលខ្លីបង្កឡើងដោយគ្មានចរន្តសាច់ប្រាក់” ។
លោកបន្ថែមថា “បើយើងមានចរន្តសាច់ប្រាក់ ហើយវិនិយោគក្នុងរយៈពេលវែង សូមវិស័យអចលនទ្រព្យ បើទោះបីនៅទ្រឹង ក៏មិននៅទ្រឹងរហូត។ បើចុះក៏មិនចុះរហូត ហើយការឡើង ក៏ឡើងមិនយូដែរ។ ប៉ុន្តែបើយើងទុកក្នុងរយៈពេលយូ ហើយទីផ្សារវាឡើងវិញ យើងលក់ចេញវិញនោះ យើងចំណេញហើយ” ។
លោកឧកញ៉ាតេង រិទ្ធី អគ្គនាយកក្រុមហ៊ុនអចលនទ្រព្យ R Investment Group ធា្លប់បានឱ្យដឹងដែរថា ការិវនិយោគទៅលើវិស័យទ្រព្យគ្រប់ប្រភេទ នៅតែមានឱកាសចំណេញ បើទោះស្ថិតនៅក្នុងវិបត្តិសេដ្ឋកិច្ចសកល ដែលបង្ករឡើងដោយជំងឺកវីដ១៩ ប៉ុន្តែកុំរំពឹងខ្ពស់ពេក។
លោកបន្តថា តាមពិតបើសិនជាអ្នកមានធនធាន ចង់អចលនទ្រព្យសម្រាប់ទុកវិនិយោគទៅអនាគតនៅតែបាន ប៉ុន្តែសុំកុំរំពឹងខ្ពស់ពេក អាចរំពឹងត្រឹមចំនុចមួយបានហើយ ព្រោះកាលណារំពឹងខ្ពស់ពេក វាអាចជួបប្រទះបញ្ហា។
លោកបន្ថែមថា “នៅឆ្នាំ២០២០នេះ អចលនទ្រព្យក៏មានបញ្ហាខ្លះៗដែរ មិនមែនគ្មានសោះនោះទេ” ៕
