ដោយស៊ីវ ម៉េង
ភ្នំពេញៈ ក្រុមហ៊ុនCentury21 Zillion Holdingបាននិងកំពុងបន្តជ្រើសរើសភ្នាក់ងារអចលនទទ្រព្យ រាប់ពាន់នាក់ដើម្បីសម្រេចបានតាមចក្ខុវិស័យរបស់ខ្លួន ក្នុងការក្លាយខ្លួនជាក្រុមហ៊ុនអចលនទ្រព្យឈានមុខគេនៅកម្ពុជា។
យោងតាមគេហទំព័រZ1 Newsបានឲ្យដឹងថា បន្ទាប់ពីបានរៀបចំដោយជោគជ័យនៅខេត្តស្ទឹងត្រែងកាលពីម្សិលមិញ ក្រុមហ៊ុន Century 21 Zillion Holding បានបន្តដំណើរមកដល់ទឹកដីខេត្តក្រចេះបន្តទៀតនៅថ្ងៃអាទិត្យទី 29 វិច្ឆិកា 2020 នេះដើម្បីរៀបចំកម្មវិធីជ្រើសរើស និងបណ្តុះបណ្តាលអ្នកឯកទេសដីធ្លី 3800 នាក់ សម្រាប់ខេត្តក្រចេះ។
កម្មវិធីនេះធ្វើឡើងនៅ សណ្ឋាគារ មេគង្គ ដលហ្វីន កម្មវិធីនេះមានអ្នកចូលរួមជិត ១០០ នាក់ ហើយស្ទើរគ្រប់គ្នាបានបង្ហាញ ចំណាប់អារម្មណ៍ចង់ក្លាយខ្លួន ជាអ្នកឯកទេសដីធ្លី ប្រចាំតំបន់ដែលពួកគេរស់នៅ ជាមួយក្រុមហ៊ុនអចលនទ្រព្យ Century 21 Zillion Holding។
អ្នករៀបចំកម្មវិធីបានអនុវត្តយ៉ាងខ្ជាប់ខ្ជួន នៅវិធានការការពារជំងឺឆ្លងរបស់ក្រសួងសុខាភិបាល ដោយមានការវាស់កម្តៅអ្នកចូលរួម តម្រូវឲ្យពាក់ម៉ាស់ រក្សាអនាម័យដោយលាងសម្អាតដោយប្រើសាប៊ូ និងអាល់កុលលាងដៃ និងការរក្សាគម្លាតសុវត្ថិភាព។
ក្រុមហ៊ុន Century 21 Zillion Holding នឹងបន្តរៀបចំកម្មវិធីដូចគ្នានេះ នៅតាមបណ្តាខេត្តមួយចំនួនទៀតដែលមិនទាន់ទៅដល់ ហើយកាលបរិច្ឆេទជាក់លាក់នឹងមានជូនដំណឹងពេលក្រោយ៕
