ដោយៈសុខុម
អាស៊ាន: តើមេដឹកនាំអាស៊ានបានគិតគូរួចហើយឬនៅ ក្នុងរបត់នយោបាយថ្មីរបស់ខ្លួន ជាមួយរដ្ឋបាលថ្មីរបស់ប្រធានាធិបតីសហរដ្ឋអាមេរិក លោកចូ បៃដិន ដែលបាននិងកំពុងត្រូវបានគេមើលឃើញថា នៅតែដាក់ចេញគោលនយោបាយ ប្រឈមមុខផ្ទាល់ជាមួយមហាយក្សចិន ខណៈប្រទេសចិនបានទទួលសមានចិត្ត ពីមេដឹកនាំអាស៊ានកាន់តែច្រើនឡើង។
សារព័ត៌មាន Straits Times ដែលចុះផ្សាយកាលពីថ្ងៃ២៥ កុម្ភៈ បាននាំយកបទវិភាគដ៏គួរឱ្យចាប់អារម្មណ៍មួយ ដោយបានលើកឡើងថា តំបន់អាស៊ាន ចាំបាច់ត្រូវរៀបចំផែនការជាក់លាក់ ដើម្បីបត់ឱ្យទាន់គោលនយោបាយការបរទេស ក្រោមរដ្ឋការថ្មីរបស់សហរដ្ឋអាមេរិក។
ការរៀបចំផែនការជាក់លាក់នេះ គឺទាក់ទិនជាពិសេស ទៅនឹងតំបន់មជ្ឈិមបូព៌ា ជាមួយរុស្ស៊ី ស៊ីរី និងតួកគី ជាមួយអ៊ីរ៉ង់ ជុំវិញកិច្ចព្រមព្រៀងនុយក្លេអ៊ែរ ជាមួយចំណាត់ការរបស់អារ៉ាប់ ដើម្បីធ្វើឱ្យទំនាក់ទំនងជាមួយអ៊ីស្រាអែល មានស្ថិរភាព ហើយចុងក្រោយគឺការរួបរួមគ្នាជាមួយសហភាពអឺរ៉ុប ក្នុងវិស័យនានាដើម្បីផលប្រយោជន៍រួមគ្នានាពេលអនាគត។
បើផ្អែកតាមអ្វីដែលប្រធានាធិបតីចូ បៃឌិន បានបញ្ជាក់ថា រដ្ឋបាលរបស់ចូ បៃដិន បានផ្ដោតជាសំខាន់ ក្នុងគោលនយោបាយការបរទេសរបស់លោក ហាក់ផ្ទុយគ្នាស្រឡះពីគោលនយោបាយការបរទេសរបស់អតីតប្រធានាធិបតី ដូណាល់ ត្រាំ។
អាស៊ាន ចាំបាច់ត្រូវបន្តភាពជាអ្នកដឹកនាំរបស់ខ្លួន ក្នុងរូបភាពបើកចំហ គួរឱ្យជឿទុកចិត្ត និងអាចពឹងពាក់បានទាំងនៅក្នុងតំបន់ និងពិភពលោក។ សម្រាប់ចំណុចនេះ ចំណាត់ការរបស់សហរដ្ឋអាមេរិក នាពេលអនាគតប្រាកដជាមិនមើលរំលងឡើយចំពោះអ្វី ដែលអាស៊ាន និងមហាយក្សចិន បានប្រឹងប្រែងសហការគ្នា ក្នុងរយៈពេលជាច្រើនឆ្នាំមកនេះ លើផ្នែកពាណិជ្ជកម្ម ការវិនិយោគ ការអភិវឌ្ឍហេដ្ឋារចនាសម្ព័ន្ធ និងហិរញ្ញប្បទាន និងការធ្វើឌីជីថលនីយកម្មជាដើម។
បញ្ហានានាទាក់ទិនសមុទ្រចិនខាងត្បូង បញ្ហាជនជាតិដើមភាគតិចវីហ្គួ នៅតំបន់ស្វយ័តស៊ីនជាំង (Xinjiang) នៃប្រទេសចិន និងបញ្ហាប្រទេសមីយ៉ាន់ម៉ា ជាដើមនឹងក្លាយជាតេស្តសាកល្បង សម្រាប់ទំនាក់ទំនងការទូតរវាងសហរដ្ឋអាមេរិក ចិន និងម៉ាឡេស៊ី ក្នុងរយៈពេលប៉ុន្មានខែខាងមុខនេះ។
ប្រទេសម៉ាឡេស៊ីនៅពេលនេះ មានឱកាសទទួលបានផលចំណេញច្រើន ពីការប្រជែងឥទ្ធិពលគ្នា នៅក្នុងតំបន់រវាងសហរដ្ឋអាមេរិក និងមហាយក្សចិន។ ប្រទេសម៉ាឡេស៊ី នឹងទទួលបានអត្ថប្រយោជន៍ធំចំនូន២ ដូចជា ទី១ ផលប្រយោជន៍ទទួលបានពីសហរដ្ឋអាមេរិក តាមរយៈក្រុមហ៊ុនបច្ចេកវិទ្យា Intel ក្រុមហ៊ុន Google និងក្រុមហ៊ុន Amazon មកវិនិយោគក្នុងប្រទេសនេះ ហើយទី២ គឺបច្ចេកវិទ្យា 5G របស់មហាយក្សចិន។
ប្រទេសម៉ាឡេស៊ី អាចនឹងមានតួនាទីឈានមុខគេ ក្នុងតំបន់អាស៊ាន នៅក្នុងកិច្ចប្រឹងប្រែងស្វែងរកដំណោះស្រាយ បញ្ចប់វិបត្តិនៅប្រទេសមីយ៉ាន់ម៉ា ព្រោះប្រទេសនេះបានដើរតួនាទីយ៉ាងសំខាន់ នៅក្នុងការអូសទាញប្រទេសមីយ៉ាន់ម៉ា ឱ្យចូលជាសមាជិកអាស៊ាន។
សម្រាប់ប្រទេសម៉ាឡេស៊ី យើងបានចាប់ផ្ដើមត្រៀមលក្ខណៈ ផ្នែកការទូតរួចហើយ ដើម្បីសហការជាមួយប្រទេសផ្សេងៗ ក្នុងបេសកកម្មទប់ស្កាត់ការឆ្លងរាតត្បាតវីរុសកូវីដ-១៩។
ក្នុងពេលជាមួយគ្នានេះ យើងសង្ឃឹមថា យើងអាចនឹងជួបបញ្ហាប្រឈម នៅក្នុងបដិវត្តន៍ឧស្សាហកម្មទី៤ (ឧស្សាហកម្ម ៤.០) និងការប្រកួតប្រជែងគ្នាដណ្ដើមដែនអ៊ីនធឺណិត (cyberspace) និងផលប៉ះពាល់របស់វា ដែលមានមកលើគោលនយោបាយការបរទេសរបស់ប្រទេសនេះ។
ទន្ទឹមនេះ ប្រទេសម៉ាឡេស៊ី ក៏គួរតែដោះស្រាយបញ្ហាចូលរួមរបស់យុវជន ក្នុងគោលនយោបាយការបរទេស និងការទូតផងដែរ។
ទន្ទឹមនេះ ទំនាក់ទំនងរបស់យើងជាមួយមហាយក្សចិន អ៊ីរ៉ង់ និងអារ៉ាប៊ីសាអូឌីត ក៏មានមានសារៈខាន់ស្មើគ្នាផងដែរ សម្រាប់ស្ថិរភាពនយោបាយ និងសន្តិសុខសេដ្ឋកិច្ចរបស់ប្រទេសម៉ាឡេស៊ី៕
