ដោយៈគង់ សូរិយា
ភ្នំពេញៈ អ្នកជំនួញវ័យក្មេងពីររូបមានចក្ខុវិស័យដូចគ្នា និងកំពុងសម្រេចបាននូវក្តីសុបិនរបស់គ្រួសាររបស់ខ្លួនកាលពី៣០ឆ្នាំមុន ដើម្បីរួមចំណែកអភិវឌ្ឍន៍សេដ្ឋកិច្ចសង្គមកម្ពុជា។
យោងតាមការសន្ទនារវាងលោកលី សុខឆាយអគ្គនាយកក្រុមហ៊ុនLSCG និងលោកស្រីCatherine Chanអគ្គនាយិកាក្រុមហ៊ុនUrban Villageកកាលពីថ្ងៃទី៤ មេសាកន្លងមកនេះ អ្នកជំនួញវ័យក្មេងទាំងពីររូប បានទម្លាយអាថ៌កំបាំងគ្រួសាររបស់ខ្លូន ដែលមានគោលដៅ និងចូលររួមវិនិយោគនៅកម្ពុជា ដើម្បីរួមចំណែកជាមួយរាជរដ្ឋាភិបាលកម្ពុជា ក្នុងការអភិវឌ្ឍសេដ្ឋកិច្ចកម្ពុជា។
លោកលី សុខឆាយបានមានប្រសាសន៍ឲ្យដឹងថា “ខ្ញុំបានមកទីក្រុងភ្នំពេញកាលពី៣០ឆ្នាំមុន ដើម្បីសិក្សារៀនសូត្រ បន្តការសិក្សារនៅបរទេសនិងដើរតាមគន្លងរបស់គ្រួសារ ដើម្បីវិនិយោគនិងចូលរួមអភិវឌ្ឍន៍ប្រទេសកម្ពុជា”។ លោកបន្តថា “ថ្វីត្បិតយើងបានមកពីប្រទេសផ្សេងគ្នា តែគ្រួសារទាំងពីរ ដែលមានប្រវត្តិប្រហាក់ប្រហែលគ្នានេះ មានគោលដៅប្រហែលគ្នាដើម្បីចូលរួមអភិវឌ្ឍន៍ប្រទេសនេះ”។
លោកបន្តថា យើងបានចាប់ផ្តើមពង្រីកមុខជំនួញ តាមដានជើងរបស់ឪពុកម្តាយ ជាមូយអ្នកជំនួញធំៗនៅកម្ពុជា។ គ្រួសាររបស់ខ្ញុំធ្លាប់មានប្រវត្តិ ធ្វើការងារជាមួយអ្នកឧកញ៉ាថៃ ប៊ុនម៉ា អគ្គនាយកក្រុមហ៊ុនថៃ ប៊ុនរ៉ុង និងបច្ចុប្បន្នខ្ញុំកំពុងធ្វើការសហការ និងគាំទ្រលើមុខជំនួញរបស់អ្នកឧកញ៉ាពុង ឃាវសែ ដែលជាអ្នកជំនួញដ៏ធំ និងមានឥទ្ឋិពលនៅកម្ពុជា”។
លោកបានបន្តទៀតថា ទោះបីកម្ពុជាកំពុងស្ថិតក្នុងវិបត្តិកូវីដ១៩ ប៉ុន្តែយើងនៅតែបន្តគាំទ្រការដឹកនាំរបស់ប្រមុខរដ្ឋាភិបាលកម្ពុជា សម្តេចអគ្គមហាសេនាបតីតេជោហ៊ុន សែននាយករដ្ឋមន្រ្តីនៃកម្ពុជា ដើម្បីចូលរួមអភិវឌ្ឍសេដ្ឋកិច្ច និងសង្គមរបស់កម្ពុជា ដោយឥតរាថយ។
លោកស្រីCatherine Chan និងលី ជីនជា(Ben Li)បាននិងកំពុងអភិវឌ្ឍន៍គំរោងអចលនទ្រព្យដ៏ធំមួយនៅទីក្រុងភ្នំពេញ បន្ទាប់ពីលោកស្រីបានមកកាន់កម្ពុជា នៅពេលលោកស្រីស្ថិតនៅជាក្មេងស្រីនៅឡើយ។
ជាមួយនេះ លោកស្រីCatherine Chanអគ្គនាយិកាក្រុមហ៊ុនUrban Village Cambodiaបានសរសេរលើបណ្តាញ ទំនាក់ទំនងសង្គមរបស់ខ្លួនស្រដៀងគ្នានេះថា ពេលវេលាដើរលឿនណាស់ជិត៣០ឆ្នាំហើយ ដែលគ្រួសារខ្ញុំបានមកវិនិយោគនៅកម្ពុជា។ យើងបានចាប់ផ្តើមជាមួយការផលិតសម្លៀកបំពាក់។
លោកស្រីបន្តថា “ខ្ញុំចាំបានថា ខ្ញុំបានមកដល់ប្រទេសកម្ពុជា ជាលើកដំបូងជាមួយឪពុករបស់ខ្ញុំ នៅពេលដែលខ្ញុំគ្រាន់តែជាក្មេងស្រីតូចម្នាក់ប៉ុណ្ណោះ”។ លោកស្រីបន្តថា “ខណៈពេលនេះ ក្នុងនាមជាអ្នកគ្រប់គ្រងក្រុមហ៊ុនទាំងមូល ខ្ញុំប្តេជ្ញាថានឹងបន្តកេរ្តិ៍ដំណែលគ្រួសាររបស់ខ្ញុំ និងជួយកសាងប្រទេសកម្ពុជា ឲ្យកាន់តែប្រសើរឡើងថែមទៀត”៕
