ដោយៈ ប៊ី
(ថ្ងៃទី១៦ ខែសីហា ឆ្នាំ២០២១) ភ្នំពេញៈ ក្រុមហ៊ុន Bluebell Group ដែលជាក្រុមហ៊ុនចែកចាយ និងជាប្រតិបត្តិករម៉ាកយីហោ ពហុបណ្ដាញល្បីៗ (omnichannel) ឈានមុខតមួយរបស់អាស៊ី ប្រកាសអំពីការដាក់ឱ្យដំណើរការនូវប្រតិបត្តិការរបស់ខ្លួនក្នុងប្រទេសកម្ពុជានាវេលាថ្ងៃនេះ ដោយបន្ថែមនូវមជ្ឈមណ្ឌលនៅក្នុងអាស៊ីចំនួនមួយបន្ថែមទៀតទៅ លើបណ្តាញទីផ្សារចំនួនដប់ដែលមានស្រាប់របស់ក្រុមហ៊ុន។
នៅក្នុងប្រទេសកម្ពុជា ក្រុមហ៊ុន Bluebell Group នឹងធ្វើការងារជាមួយនឹងដៃគូម៉ាកយីហោល្បីៗដែលមានស្រាប់ និងដៃគូថ្មីៗរបស់ខ្លួន ដើម្បីធ្វើប្រតិបត្តិការ និងធ្វើការអភិវឌ្ឍន៍នៅក្នុងស្រុក។ លើសពីនេះទៅទៀត គ្រុបនេះត្រូវ បានតែងតាំងជាអ្នកគ្រប់គ្រងផ្សារទំនើបលក់រាយនៅក្នុងសំណង់មួយដ៏លេចធ្លោ គឺអគារ The Peak ដែលស្ថិត នៅចំកណ្តាលបេះដូងរាជធានីភ្នំពេញ។ បទពិសោធន៍នៃការគ្រប់គ្រងម៉ាកយីហោល្បីៗរបស់ក្រុមហ៊ុន Bluebell Group និងផ្តល់ជូននូវជំនាញត្រូវការជាចាំបាច់ក្នុងការច្នៃប្រឌិតផ្សារទំនើបដែលនឹងទាក់ទាញដល់អ្នកប្រើប្រាស់ នាពេលបច្ចុប្បន្ន។
ចក្ខុវិស័យរបស់ក្រុមហ៊ុនសម្រាប់គម្រោងនេះ គឺផ្ដោតជុំវិញ “ហាងទំនិញលក់រាយដែលផ្តល់នូវ ភាពងាយស្រួល ដោយអតិថិជនអាចធ្វើដំណើរមកដោយផ្ទាល់ ឬទិញទំនិញតាមរយៈប្រព័ន្ធឌីជីថលប្រកប ដោយភាពងាយស្រួលក្នុងលក្ខណៈជាការដើរទិញទំនិញតាមហាង និងសេវាអតិថិជនដែលមានភាព ច្បាស់លាស់ ដើម្បីរួមចំណែកដល់ការធ្វើឱ្យបទពិសោធន៍ផ្សារទំនើបលក់រាយឈានដល់កម្រិតល្អឥតខ្ចោះ រួម ជាមួយនឹងការរៀបចំម៉ាកយីហោដែលចាំបាច់ក្នុងការទាក់ទាញទាំងភ្ញៀវទិញទំនិញក្នុងស្រុក និងភ្ញៀវទិញ ទំនិញរួចពន្ធ ដោយក្នុងនោះមានទាំងមាំកយីហោបែបប្រណីត រចនាបទនៃការរស់នៅថ្លៃថ្នូរ ម៉ូតសម្លៀកបំពាក់ទាន់សម័យ ម៉ាក យីហោអាហារ និងភេជ្ជៈ ព្រមទាំងគោលគំនិតដែលទទួលបានពីបទពិសោធន៍រាប់សិបឆ្នាំកន្លងមកហើយ។
លោក Pierre Balsan អគ្គនាយកនៃក្រុមហ៊ុន Bluebell Cambodia បានបង្ហាញអំពីសេចក្តីសោមនស្សរីករាយ ចំពោះការបើកទីផ្សារនៅក្នុងប្រទេសកម្ពុជា។ ប្រទេសកម្ពុជា គឺជាព្រំដែនថ្មីនៃផ្សារទំនើបលក់រាយ ហើយក្រុម ហ៊ុន Bluebell Cambodia បានពាំនាំនូវគោលគំនិតផ្សារទំនើបលក់រាយអន្តរជាតិថ្មីចុងក្រោយបំផុត ចូលមកក្នុង ទីផ្សារកម្ពុជាដ៏គួរឱ្យចាប់អារម្មណ៍នេះ។
ក្នុងនាមជាក្រុមហ៊ុនឈានមុខគេទៅលើផ្សារទំនើបលក់រាយប្រកួត និងទាន់សម័យអស់រយៈពេលជាង ៦០ឆ្នាំ កន្លងមកនេះ បច្ចុប្បន្ន គ្រុបរបស់យើង ធ្វើប្រតិបត្តិការលើម៉ាកយីហោចំនួន ១៥០ នៅទូទាំងតំបន់អាស៊ី ទាំងក្នុង វិស័យផ្សារទំនើបលក់រាយក្នុងស្រុក និងវិស័យផ្សារទំនើបលក់រាយសម្រាប់ភ្ញៀវទេសចរផងដែរ។
ដោយមាននូវជំនាញវិជ្ជាជីវៈក្នុងប្រទេសដ៏រឹងមាំសម្រាប់ម៉ាកយីហោដែលព្យាយាមចូល ឬពង្រីកវត្តមាននៅក្នុងទីផ្សារធំៗ នានានៃតំបន់អាស៊ី ក្រុមហ៊ុន Bluebell Group ផ្តល់ជូននូវផលិតផលជាច្រើនប្រភេទ រួមបញ្ចូលទាំងគ្រឿងតុបតែង ស្បែកជើង សម្លៀកបំពាក់ គ្រឿងក្រអូប គ្រឿងសម្អាង អាហារឆ្ងាញ់ៗ គ្រឿងអលង្ការ នាឡិកាដៃ វ៉ែនតា និងថ្នាំជក់ជាដើម៕
