ដោយ: ម៉ាលីស
ភ្នំពេញៈ សព្វថ្ងៃនេះ ដោយសារវិស័យអចលនទ្រព្យមានការរីកចំរើនខ្លាំង ភ្នាក់ងារបំរើសេវាកម្មផ្នែកនេះក៏មានច្រើន ដែលខ្លះទទួលបានជោគជ័យ និងខ្លះទៀតមិនសូវទទួលបានជោគជ័យ។
ប៉ុន្តែក្រុមហ៊ុន DNZ Realty បាននិងកំពុងទទួលបានជោគជ័យលើការលក់ខុនដូ ទោះបីស្ថិតក្នុងអំឡុងពេលកូវីដ១៩ក្តី។
តាមរយៈកិច្ចសំភាសពិសេសកាលពីពេលថ្មីៗនេះ លោក រិន ច័ន្ទរិទ្ធ អគ្គនាយកក្រុមហ៊ុន DNZ Realty លោកបានមានប្រសាសន៍អោយដឹងថា លោកបានបញ្ចប់ថ្នាក់បរិញ្ញាបត្រ័ ផ្នែកទំនាក់ទំនងអន្តរជាតិ ដែលផ្តោតទៅលើនយោបាយ និងទស្សនវិជ្ជាបុ ណ្ណោះ ហើយលោកក៏ធ្លាប់ ចូលបំរើការងារក្នុងសាលាក្តីខ្មែរក្រហម អង្គការសង្គមស៊ីវិល ផ្សេងៗ ដែលមិនទាក់ទងនឹងអចលនទ្រព្យឡើយ។ ទើបតែពេលថ្មីៗនេះ លោកបានប្រឡូក ក្នុងវិស័យអចលនទ្រព្យយ៉ាងពេញទំហឹងតែម្តង ដែលជាវិជ្ជាជីវៈអាជីពរប់លោកផងដែរ។
លោកក៏បានបញ្ជាក់ពីយុទ្ធសាស្ត្រ ដែលអាចដឹកនាំក្រុមហ៊ុនលោកអាចដំណើរការបានសព្វថ្ងៃ មាន២ចំនុច ទី១ លោកតែងឈរលើសុចរិតភាព គួបផ្សំនឹងលោកមានបណ្តាញច្រើន ហើយលោកធ្លាប់ស្គាល់មនុស្សច្រើន ដូចជាអតីតអ្នកធ្លាប់ធ្វើការជាមួយគ្នាជាដើម តែងមកទាក់ទងលោក នៅពេលដឹងថាលោកធ្វើការផ្នែកសេវាកម្មនេះ។
ដូចនេះដោយភាពសុចរិតនេះឯង ដែលអាចផ្សព្វផ្សាយ អោយលោកមានអតិថិជនច្រើនផងដែរ។ ទី២ គឺភាពបត់បែន ក្នុងនាមជាអ្នកដឹកនាំ ត្រូវមានភាពបត់បែន មិនត្រូវមានតែទ្រឹស្តីឡើយ ត្រូវចេះបត់បែនទៅតាមកាលៈទេសៈនឹងពេលវេលា។
លោករិន ច័ន្ទរិទ្ឋបានបន្ថែមថា “ក្នុងសម័យកូវិតនេះ ជាពេលលំបាកខ្លាំង លោកមិនទាន់ចាត់ទុកនេះថាជាជោគជ័យទេ ខណៈមានក្រុមហ៊ុនមួយចំនួនបានក្ស័យធុន តែសំរាប់ក្រុមហ៊ុនលោក នៅតែអាចឈរជើងបាន ដែលអាចពង្រីកនិងពង្រឹងក្រុមរបស់ខ្លួនបានទៅមុខរហូតគឺបានហើយ”។
លោកបន្តថា ទស្សនៈវិស័យរបស់ក្រុមហ៊ុនលោកទៅថ្ងៃមុខ មិនត្រឹមតែលក់ខុនដូប៉ុណ្ណោះទេ ក្រុមហ៊ុនលោកនឹងមាន ជាការលក់ទៅលើប្រភេទផ្ទះ និងដីផងដែរ ក្រៅពីនោះក៏ដូចជាសេវាកម្មជួលផង។ តែបច្ចុបន្បន្នលោកមានការផ្តោតខ្លាំង គឺការលក់ខុនដូរសិនប៉ុណ្ណោះ៕
