ដោយ៖ សុធារី
ភ្នំពេញ៖ សមាគមអ្នកអភិវឌ្ឍន៍ដីឡូត៍កម្ពុជា រួមជាមួយនិយ័តករអាជីវកម្ម អចលនវត្ថុ និងបញ្ចាំ បានរៀបចំសិក្ខាសាលា ស្តីពី “ការគ្រប់គ្រងអាជីវកម្មអភិវឌ្ឍអចលនវត្ថុ ការគ្រប់គ្រងអាជីវកម្មផ្តល់សេវាកម្មវាយតម្លៃ និង សេវាកម្មអចលវត្ថុ”។
កម្មវិធីនេះមានការអញ្ជើញចូលរួមក្រោមអធិបតីភាពដ៏ខ្ពង់ខ្ពស់ពីលោក ជូ វណ្ណៈ អគ្គនាយកនិយ័តករអាជីវកម្ម អចលនវត្ថុ និងបញ្ចាំ និងមន្ត្រីជំនាញមួយចំនួនទៀតផងដែរ។
កម្មវិធីនេះនឹងប្រព្រឹត្តទៅនៅថ្ងៃអង្គារ ទី០៨ ខែកុម្ភៈ ឆ្នាំ២០២២ វេលាម៉ោង៨:០០ ព្រឹក ដល់ម៉ោង ១២:00 ថ្ងៃត្រង់ នៅសណ្ឋាគារ Dyvith Hotel (សែនសុខ)។
គោលបំណងនៃកម្មវិធី ដើម្បីយល់ដឹងបន្ថែមអំពីព័ត៌មាន និងកាតព្វកិច្ចច្បាប់ក្នុងការប្រកបអាជីវកម្ម ពាក់ព័ន្ធនឹងវិស័យអចលនវត្ថុ រួមមាន អ្នកអភិវឌ្ឍន៍ដីឡូត៍ អ្នកអភិវឌ្ឍន៍លំនៅដ្ឋាន ភ្នាក់ងារវិជ្ជាជីវៈ សេវាកម្មវាយតម្លៃ សេវាកម្មភ្នាក់ងារអចលនវត្ថុ និង សេវាកម្មគ្រប់គ្រងអចលនវត្ថុ ឱ្យយល់ដឹងកាន់តែច្បាស់អំពីបែបបទ និង ការស្នើសុំឯកសារផ្សេងៗពីនិយ័តករ។
វគ្គបណ្តុះបណ្តាលនេះមានការចូលរួមពីសំណាក់បុគ្គលល្បីៗឈ្មោះដូចជា ឧកញ៉ា ម៉ន សុខា ឧកញ៉ា ផន វណ្ណិត ឧកញ៉ា សឿ សុវណ្ណ លោក ពៅ លីដា លោក រស់ សុវណ្ណថា លោក ជា ចំរើន លោក ជា សំអាន លោកប៉ុក សៅលី ជាដើម៕
