ដោយៈ ជេស៊ីកា
ភ្នំពេញៈ ការអភិវឌ្ឍន៍ដីធ្លី ឬធ្វើអាជីវកម្មលើដីធ្លី ត្រូវមានលិខិតបទដ្ឋាននានាជាច្រើន ដែលវាអាស្រ័យលើទំហំ និងផែនការប្រើប្រាស់ដីនិមួយៗផងដែរ។
តើការអភិវឌ្ឍន៍ដីតម្រូវឲ្យអ្នកអភិវឌ្ឍត្រូវមានលិខិតអនុញ្ញាតជាមុនអ្វីខ្លះ
ប៉ុន្តែថ្ងៃនេះយើងលើកយកទិដ្ឋភាពជារួម ដែលអ្នកអភិវឌ្ឍន៍ដីធ្លីត្រូវគោរពតាមលិខិតបទដ្ឋានទាំងនេះ ដែលមានដូចជា ទី 1- ការប្ដូរប្រភេទនៃការ ប្រើប្រាស់ដី ដើម្បីគម្រោងសាងសង់។ ទី2- ការអភិវឌ្ឍដីដើម្បីគម្រោង កែសម្រួលក្បាលដី។ ទី3- ការអភិវឌ្ឍដីដើម្បីរៀបចំគម្រោងបែងចែកជាដីឡូត៍។ ទី4- ការអភិវឌ្ឍដីដើម្បីកែប្រែរចនាសម្ព័ន្ធដី។
ទី5- ការអភិវឌ្ឍដីដើម្បីគម្រោងអភិវឌ្ឍទីក្រុង។ ទី6- ការអភិវឌ្ឍដីដើម្បីរៀបចំ គម្រោងអភិវឌ្ឍន៍តំបន់លំនៅឋាន ឬបុរី និងអគារស្នាក់នៅ។
7- ការអភិវឌ្ឍដីដើម្បីរៀបចំគម្រោងអភិវឌ្ឍន៍ តំបន់ពាណិជ្ជកម្ម និង/ឬសេវាកម្ម និងតំបន់ចម្រុះ។ ទី8- ការអភិវឌ្ឍដីដើម្បីរៀបចំគម្រោងអភិវឌ្ឍន៍តំបន់ឧស្សាហកម្ម សួនឧស្សាហកម្ម និងរោងចក្រ។ ទី9- ការអភិវឌ្ឍដីដើម្បីរៀបចំគម្រោងអភិវឌ្ឍន៍តំបន់សេដ្ឋកិច្ចពិសេស។
ទី10- ការអភិវឌ្ឍន៍ដី ដើម្បីរៀបចំគម្រោងអភិវឌ្ឍន៍ ហេដ្ឋារចនាសម្ព័ន្ធទីក្រុង។ ទី11- ការអភិវឌ្ឍដី ដើម្បីរៀបចំគម្រោងអភិវឌ្ឍន៍តំបន់ទេសចរណ៍។ ទី12- ការភិវឌ្ឍដីដើម្បីឲ្យរៀបចំគម្រោងអភិវឌ្ឍន៍នានា។
ការអភិវឌ្ឍដីក្នុងតំបន់កសិកម្ម សម្រាប់សាងសង់លំនៅដ្ឋានជាលក្ខណៈគ្រួសារ សាងសង់រោងចក្រ ក្នុងទីតាំងដីសម្បទានសេដ្ឋកិច្ច និងសាងសង់រោងសប្បកម្ម ឬរោងចក្រសម្រាប់គោលដៅកសិកម្ម មិនតម្រូវឱ្យមានលិខិតអនុញ្ញាតអភិវឌ្ឍដីទេ លើកលែងតែតំបន់ណា ដែលមានបទដ្ឋានគតិយុត្តកំណត់ដោយឡែក៕
