ដោយ គង់ សូរិយា
ភ្នំពេញ៖ សមត្ថភាពព្រលានយន្តហោះនីមួយៗ ដែលអាចទទួលការចុះចតរបស់អាកាសចរណ៍ និងអ្នកដំណើរឆ្លងកាត់ខុសៗគ្នា ប៉ុន្តែសំណួរគឺថាតើព្រលានយន្តហោះអន្តរជាតិភ្នំពេញបបច្ចុប្បន្នអាចចុះចតយន្តហោះខ្នាតណាបាន?។
មន្ត្រីជំនាញផ្នែកអាកាសចរណ៍ លោកពេជ្រ សុប៉ុនតារាប្រធានផ្នែកបង្កើនការហោះហើរ នៃក្រុមហ៊ុនវិនិយោគអាកាសយានដ្ឋានកម្ពុជា បានមានប្រសាសន៍ឲ្យដឹងតាមទូរស័ព្ទកាលពីម្សិលម៉ិញនេះថា ព្រលានយន្តហោះភ្នំពេញអន្តរជាតិបច្ចុប្បន្នទទួលការចុះចតពីក្រុមហ៊ុនអាកាសចរណ៍ជាង៣០ក្នុងមួយថ្ងៃ ប្រហាក់ប្រហែលនឹងព្រលានយន្តហោះអន្តរជាតិខេត្តសៀមរាបផងដែរ។ លោកបន្តថា សមត្ថភាពព្រលាននិងចំនួនអ្នកដំណើរដែលឆ្លងកាត់បច្ចុប្បន្នគឺមានភាពសមស្របហើយ ខណៈចំនួនអ្នកដំណើរឆ្លងកាត់ព្រលានយន្តហោះទាំងពីរនេះ(មិនរាប់បញ្ចូលព្រលានកងកេង ខេត្តព្រះសីហនុ) នឹងកើនដល់១០លាននាក់។
-->
លោកបន្តថា “បច្ចុប្បន្នព្រលានយន្តហោះអន្តរជាតិភ្នំពេញ អាចចុះចតយន្តហោះប្រភេទ Boing747-800បាន ដែលយន្តហោះប្រភេទនេះ អាចផ្ទុកអ្នកដំណើរបានជាង៤០០នាក់។លោកបន្តថា “ប៉ុន្តែជាទូទៅយន្តហោះនិមួយៗ មិនអាចផ្ទុកអ្នដំណើរពេញតាមទំហំ ដែលយន្តហោះអាចផ្ទុកបាននោះទេ។
ទាក់ទងការលើកឡើងថា ព្រលានយន្តហោះបច្ចុប្បន្នមិនមានកន្លែងចុះចតយន្តហោះគ្រប់គ្រាន់ ខណៈមានអាកាសចរណ៍មកចុះចតច្រើន លោកពេជ្រ សុប៉ុនតារាបានទទួលស្គាល់បញ្ហានេះ ក្នុងករណីដែលមានលក្ខខ័ណ្ឌអាកាសធាតុមិនល្អ ពីប្រទេសជិតខា
ងហើយអាកាសចរណ៍មិនអាចចុះចតបាន និងត្រូវផ្ទេរមកចុះចតក្នុងពេលដំណាលគ្នានឹងអាកាសចរណ៍ដទៃទៀត យើងពិតជាខ្វះចំណតពិតមែន ប៉ុន្តែក្នុងករណីមិនមានលក្ខខ័ណ្ឌអាកាសធាតុអាក្រក់ណាមួយកើតមានដូចការលើកឡើងខាងលើ ព្រលានរបស់យើងនៅតែមានសមត្ថភាពអាចចុះចតយន្តហោះបានគ្រប់គ្រាន់ តាមតម្រូវការរបស់អាកាសចរណ៍ ដែលបានហោះហើរទៀតទាត់មកកម្ពុជា៕
