ដោយ សុខុម
ក្រុងរីយ៉ាដៈ វិស័យភ័ស្តុភាររបស់មហាយក្សចិន សម្រេចបានកំណើន៣.៦%អំឡុងរយៈពេល៤ខែដំបូងដើមឆ្នាំ២០២២។ នេះបើយោងតាមសារព័ត៌មាន Arab News ចុះផ្សាយកាលពីថ្ងៃពុធ ទី២៥ ខែឧសភា។
ខណៈការផលិតទូរស័ព្ទ iPhone ស៊េរីថ្មីរបស់ក្រុមហ៊ុនអាមេរិក Apple Inc. នៅក្នុងប្រទេសចិន កំពុងប្រឈមការពន្យារពេលដោយសារការបិទខ្ទប់ ដើម្បីទប់ស្កាត់ការរីករាលដាលវីរុសកូវីដ-១៩ ប្រទេសចិន ដែលជាមហាយក្សនៅអាស៊ី បានអញ្ជើញប្រទេសចំនួន១០ក្នុងតំបន់ប៉ាស៊ីហ្វិក ដើម្បីពិភាក្សាអំពីការចុះកិច្ចព្រមព្រៀងថ្នាក់តំបន់មួយស្តីពីកិច្ចសហប្រតិបត្តិការផ្នែក Data Communication។
Data Communication គឺជាដំណើរការនៃការផ្លាស់ប្ដូរ និងចែកចាយទិន្នន័យ (Data) រវាងឧបករណ៍អេឡិចត្រូនិក (Devce) ២ ឬ ច្រើនឡើងទៅ ដោយធ្វើការទំនាក់ទំនងគ្នាតាមរយៈខ្សែ (Wire Cable) ឬ ឥតខ្សែ (Wireless)។ ការចែកចាយទិន្នន័យគឺអាចធ្វើទៅកាន់ឧបករណ៍អេឡិចត្រូនិកដូចជាទូរស័ព្ទ កុំព្យូទ័រ ម៉ាស៊ីនថត ថេបប្លេត និង ទូរទស្សន៍ Smart TV ជាដើម។
វិស័យភ័ស្តុភាររបស់ប្រទេសចិន សម្រេចបានកំណើន៣,៦%ក្នុងរយៈពេល៤ខែដំបូងដើមឆ្នាំ២០២២ ឈានដល់១០៦,២ទ្រីលានយ័ន ឬស្មើនឹង១៥,៩៥ទ្រីលានដុល្លារអាមេរិក។ នេះបើយោងតាមការចុះផ្សាយរបស់ទីភ្នាក់ងារព័ត៌មានចិន Xinhua។
ទីភ្នាក់ងារព័ត៌មាន Reuters បានចុះផ្សាយថា ប្រទេសចិន បានបញ្ជូនឯកសារផ្លូវការអមជាមួយផែនការសកម្មភាពរយៈពេល៥ឆ្នាំទៅកាន់ប្រទេសដែនកោះចំនួន១០ នៅក្នុងតំបន់ប៉ាស៊ីហ្វិក រួមមានប្រទេស Solomon ប្រទេស Kiribati ប្រទេស Samoa ប្រទេស Fiji ប្រទេស Tonga ប្រទេស Vanuatu និងប្រទេសប៉ាពួញូហ្គីណេ (Papua New Guinea) ជាដើម ខណៈខ្លួនស្វះស្វែងធ្វើកិច្ចសហប្រតិបត្តិការជាមួយប្រទេសទាំងនេះផ្នែកគោលនយោបាយ សន្តិសុខ និង Data Communication។
រដ្ឋមន្ត្រីការបរទេសចិន លោក វ៉ាង អ៊ី (Wang Yi) នឹងធ្វើជាម្ចាស់ផ្ទះទទួលរៀបចំកិច្ចប្រជុំមួយនៅថ្ងៃទី៣០ ខែឧសភា ដើម្បីពិភាក្សាគ្នាបន្ថែមទៀតអំពីបញ្ហានេះ ហើយអាចនឹងឈានទៅដល់ការចុះកិច្ចព្រមព្រៀងនេះជាមួយបណ្ដាប្រទេសដែលត្រូវបានអញ្ជើញទៀតផង។
ទោះជាយ៉ាងណា ប្រទេសមួយក្នុងចំណោមប្រទេសដែលទទួលបានការអញ្ជើញបានទាញទឡ្ហីករណ៍ថា ឯកសារ និងផែនការសកម្មភាពរយៈពេល៥ឆ្នាំដែលប្រទេសចិន បានបញ្ជូនទៅឱ្យខ្លួនបង្ហាញថា ប្រទេសចិន កំពុងស្វះស្វែងគ្រប់គ្រងតំបន់នេះ ដូច្នេះកិច្ចព្រមព្រៀងនេះជាការគំរាមកំហែងដល់ស្ថិរភាពក្នុងតំបន់៕ Arab News៕
