ដោយ៖ លាងហួរ
ប៉េកាំង៖ ប្រទេសចិនបានបង្កើនការវិនិយោគលើផ្លូវថ្នល់ និងហេដ្ឋារចនាសម្ព័ន្ធដឹកជញ្ជូនផ្សេងទៀត នៅតំបន់ជនបទ ក្នុងឆមាសទីមួយនៃឆ្នាំ២០២២ ដែលជាផ្នែកនៃកិច្ចខិតខំប្រឹងប្រែង ដើម្បីអភិវឌ្ឍតំបន់ជនបទ។
ប្រទេសចិនបង្កើនការវិនិយោគលើហេដ្ឋារចនាសម្ព័ន្ធដឹកជញ្ជូនតាមតំបន់ជនបទ
លោក Gu zhifeng មន្ត្រីក្រសួងដឹកជញ្ជូន បានប្រាប់សន្និសីទកាសែតកាលពីថ្ងៃព្រហស្បតិ៍ថា ប្រទេសចិនបានបញ្ចប់ការវិនិយោគទ្រព្យសកម្មថេរ ដែលមានតម្លៃ១៨៣,៥ពាន់លានយ័ន (ប្រហែល២៧,២៤ពាន់លានដុល្លារអាមេរិក) នៅផ្លូវជនបទ ក្នុងអំឡុងខែមករាដល់ខែមិថុនា កើនឡើង១៥,៩ភាគរយ ធៀបនឹងឆ្នាំកន្លងទៅ។
ផ្លូវជនបទប្រមាណ៦ម៉ឺនគីឡូម៉ែត្រ និងស្ពានគ្មានសុវត្ថិភាពចំនួន៣២៨៣ត្រូវបានសាងសង់ឡើងវិញ កើនឡើង១៧,៧ភាគរយ និង៩,២ភាគរយរៀងធៀបនឹងឆ្នាំមុន។
យោងតាមលោក Gu zhifeng បានឱ្យដឹងថា គម្រោងសាងសង់ផ្លូវជនបទឡើងវិញបានបង្កើតការងារបណ្តោះអាសន្នដល់ប្រជាជននៅតាមជនបទប្រមាណ៤៩.០០០នាក់។
ប្រជាជននៅតាមជនបទកាន់តែច្រើននឹងទទួលបានអត្ថប្រយោជន៍ពីគម្រោងបែបនេះ ខណៈ ដែលប្រទេសចិនគ្រោងនឹងសាងសង់ឡើងវិញ នូវផ្លូវជនបទប្រវែង១៥ម៉ឺនគីឡូម៉ែត្រ និងស្ពានគ្មានសុវត្ថិភាពចំនួន៨ពាន់ នៅតាមតំបន់ជនបទ នៅឆ្នាំ២០២២នេះ៕
