ដោយ:លាងហួរ
ភ្នំពេញ:សមាគមអ្នកវាយតម្លៃ និងភ្នាក់ងារអចលនវត្ថុកម្ពុជាដឹកនាំដោយលោកច្រឹក សុខនីមជាប្រធាន បានដឹកនាំសមាជិកចំនួន២០ក្រុមហ៊ុន ប្រជុំជាមួយយ័តករអាជីវកម្មអចលនវត្ថុ និងបញ្ចាំកាលពីថ្ងៃទី១៥ ខែសីហា។
កិច្ចប្រជុំនេះរៀបចំឡើងក្រោមការដឹកនាំដ៏ខ្ពង់ខ្ពស់របស់ ឯកឧត្តម ជូ វណ្ណៈ អគ្គនាយក នៃនិយ័តករអាជីវកម្មអចលនវត្ថុ និងបញ្ចាំ អមដោយឯកឧត្តមអគ្គនាយករង និងមន្ត្រីជំនាញ ក្នុងគោលបំណងដើម្បី សិក្សាស្វែងយល់បន្ថែមអំពីវឌ្ឍនភាពការងារ បញ្ហាប្រឈម និងក្តីកង្វល់របស់សមាគមដែលបានអនុវត្តកន្លងមក សម្រាប់ជាមូលដ្ឋានក្នុងការរៀបចំ និងកែសម្រួលបទប្បញ្ញត្តិពាក់ព័ន្ធនឹងវិស័យសេវាកម្មអចលនវត្ថុឱ្យមានលក្ខណះ ប្រទាក់ក្រឡាគ្នា ពេញលេញ និងគ្រប់ជ្រុងជ្រោយ៕
