ក្រុមហ៊ុនអចលទ្រព្យខ្នាតយក្សធំបំផុតទី៤របស់ប្រទេសចិនបង្ហាញផែនការសងបំណុលចំនួនជាង៩ពាន់លានដុល្លារ

0

ដោយ: លាងហួរ

ប៉េកាំង: ក្រុមហ៊ុនអភិវឌ្ឍន៍អចលនទ្រព្យធំលំដាប់ទី៤ របស់ចិន Sunac China Holdings បានដាក់ចេញនូវផែនការរៀបចំរចនាសម្ព័ន្ធបំណុលចំនួន៩,១ពាន់លានដុល្លារអាមេរិក  កាលពីថ្ងៃសុក្រ ទី០៩ ខែធ្នូ ឆ្នាំ២០២២នេះ។

ក្រុមហ៊ុន  ដែលមានទីស្នាក់ការកណ្តាល នៅទីក្រុងប៉េកាំងមួយនេះ បានស្នើសុំការផ្លាស់ប្តូរបំណុល ពីទឹកប្រាក់៣ពាន់លានដុល្លារ ទៅ៤ពាន់លានដុល្លារ ទៅជាភាគហ៊ុនធម្មតា។

ចំណែកបំណុល  ដែលនៅសេសសល់បច្ចុប្បន្ន នឹងត្រូវបានបំប្លែងទៅជាមូលបត្របំណុលសាធារណៈ ដែលតំណាងដោយប្រាក់ដុល្លារ  និងមានកាលបរិច្ឆេទកំណត់សង ចាប់ពី២ទៅ៨ឆ្នាំ។ រីឯការទូទាត់អត្រាការប្រាក់ នឹងមិនត្រូវធ្វើឡើងក្នុងរយៈពេល២ឆ្នាំដំបូងនោះទេ។

ក្រុមហ៊ុន Sunac ដែលជាប់ចំណាត់ថ្នាក់ជាអ្នកអភិវឌ្ឍន៍ធំជាងគេទី៤របស់ប្រទេសចិន បើគិតពីការលក់ក្នុងឆ្នាំ២០២១ បានអះអាងថា ខ្លួនបានទទួលការឯកភាព ពីសំណាក់ក្រុមម្ចាស់បំណុល  ដែលកាន់កាប់បំណុ​លលើសពី៣០ភាគរយ។

Sunac បានខកខានសងបំណុល ជាផ្លូវការកាលពីខែឧសភា បន្ទាប់ពីក្រុមហ៊ុននេះ ខកខានក្នុងការទូទាត់ការប្រាក់២៩,៥លានដុល្លារអាមេរិកលើមូលបត្របំណុលដុល្លារអាមេរិកនៅមុននេះ ហើយក្រុមហ៊ុនក៏បានខកខានសងបន្ទាប់ ពីរយៈពេលអនុគ្រោះរយៈពេល៣០ថ្ងៃ។

ផ្សារហ៊ុនរបស់ Sunac មិនត្រូវបានជួញដូរ  ចាប់តាំងពីខែមេសាឆ្នាំនេះ ដោយសារក្រុមហ៊ុនមិនបានបោះពុម្ពផ្សាយលទ្ធផលប្រចាំឆ្នាំ របស់ខ្លួននៅចុងខែមីនា ដូចតាមការតម្រូវរបស់ផ្សារហ៊ុនហុងកុង៕

LEAVE A REPLY

Please enter your comment!
Please enter your name here