ដោយៈ និស្ស័យ
ខេត្តកែបៈ ជាមួយនឹងការលើកទឹកចិត្តអតិថិជន និងបុគ្គលិកទីផ្សាររបស់ខ្លួន លោកCooler Tanអគ្គនាយកក្រុមហ៊ុនYoungsia Real Estate ដែលកំពុងវិនិយោគគំរោងឆ្នេរសមុទ្រកោងកាង បានបង្ហើបឲ្យដឹងថា រហូតមកទល់ពេលនេះ គំរោងនេះលក់បាន៥០ភាគរយហើយ។
លោកបានបន្តថា សូមប្រឹងប្រែងមួយដង្ហើមទៀត យើងនឹងសម្រេចបានជោគជ័យហើយ។
លោកCooler Tan បានបង្ហើបនូវគំរោងដីលំហែរស្តង់ដាគំរូមួយ សម្រាប់ទីផ្សារដីលំហែរ និងអ្នកអភិវឌ្ឍន៍ក្នុងវិស័យនេះ ដោយសារលោកមានទស្សនវិស័យ ផែនការយុទ្ឋសាស្រ្ត ការដឹកនាំការឌីសាញគំរោង មានទុនក្នុងដៃគ្រប់គ្រាន់ និងបានចំណាយប្រាក់ លើ់ហេដ្ឋារចនាសម្ព័ន្ឋនានាយ៉ាងច្រើន។
គំរោងឆ្នេរសមុទ្រកោងកាង បានចំណាយប្រាក់ប្រមាណ១លានដុល្លារអាមេរិក សម្រាប់សាងសង់ហេដ្ឋារចនាសម្ព័ន្ឋនានា ដូចជាផ្លូវបេតុងប្រវែង១គីឡូម៉ែត្រ ស្ពានដើរកំសាន្តជាប់ដៃសមុទ្រប្រវែង១គីឡូម៉ែត្រ សាងសង់ព្រែកសប្បនិម្មិត ភ្ជាប់ជាមួយព្រែកធម្មជាតិ ដាំដើមដូងប្រមាណ៥០០ដើមក្នុងគំរោង និងហេដ្ឋារចនាសម្ព័ន្ឋសំខាន់ៗជាច្រើនទៀត។
លោកCooler Tanបានបន្តថា ទីផ្សារដីលំហែរ នៅតែមានលទ្ឋភាពរីកចម្រើនបន្តទៀត ប៉ុន្តែវាបានឈានមកដល់ទស្សនទាន នៃការអភិវឌ្ឍថ្មី ដោយទាមទារឲ្យអ្នកវិនិយោគ ចំណាយប្រាក់ច្រើនលើហេដ្ឋារចនាសម្ព័ន្ឋច្រើន មានគំនិតច្នៃប្រឌិត និងបង្កើតក្តីស្រម៉ៃឲ្យបានច្រើនដល់អ្នកចង់បានដីលំហែរ ជាជាងរៀបចំអភិវឌ្ឍន៍គ្រាន់តែបោះបង្គោលតូចៗចោលដោយមិនបានធ្វើអ្វីសោះ៕
