ដោយគង់ សូរិយា
ព្រះសីហនុៈ ក្រសួងដែនដី នគរូបនីយកម្មនិងសំណង់នឹងជំរុញការរៀបចំប្លង់គោលប្រើប្រាស់ដី ដើម្បីជំរុញការអភិវឌ្ឈនៅតាមបណ្តាកោះនានា មួយចំនួននៅខេត្តព្រះសីហនុ ពិសេសតំបន់សមុទ្រនៃខេត្តជាប់មាត់សមុទ្រទាំង៤របស់កម្ពុជា។
យោងតាមសេចក្តីប្រកាសព៌តមានរបស់ក្រសួងនេះ ដែលបានចេញផ្សាយក្នុងអង្គសន្និបាតរបស់ខ្លួនកាលពីថ្ងៃទី២៥ ធ្នូកន្លងមកនេះបានឲ្យដឹងថា ក្រសួងនឹងជំរុញការរៀបចំជំរុញការអនុម័តប្លង់មេឆ្នេរគំរូអូរត្រេស ក្រុងព្រះសីហនុ ខេត្តព្រះសីហនុ និងប្លង់មេប្រើប្រាស់ដីធ្លីនៅតាមបណ្តាកោះចំនួន៧ទៀត ដូចជា កោះឬស្សី កោះក្របី ខេត្តព្រះសីហនុ។ កោះគី កោះសេះ ខេត្តកំពត កោះទន្សាយ ស្ថិតក្នុងខេត្តកែប និងកោះអំពិលទាំងបីនិងកោះឈ្មោះពុសារកណ្តាល ស្ថិតក្នុងខេត្តកោះកុង។
រដ្ឋាភិបាលតាមរយៈក្រសួងរៀបចំដែនដី នគរូបនីយកម្ម និងសំណង់បានអនុម័តរួចផងដែរ នូវប្លង់គោលរាជធានី ក្រុងចំនួន៦ នៅកម្ពុជា។
