ដោយៈ សហការី
ភ្នំពេញៈ ស្របពេលដែលផ្លូវក្រវាត់ក្រុងទី៣កំពុងសម្រេចការសាងសង់ជាង៨០ភាគរយ គម្រោងអភិវឌ្ឍន៍នានាក៏កំពុងលេចរូបរាងឡើងជាហូរហែរ។ គម្រោងបុរីក៏ធំមួយកំពុងបោះទីតាំងនៅតាមបណ្តោយផ្លូវនេះ ដែលជាទីតាំងផ្តល់សក្តានុពលខ្ពស់លើការវិនិយោគ បុរីនោះគឺ GB Residence។
លោក តាំង កៅគៀត នាយកប្រតិបត្តិនៃបុរី GB Residence បានមានប្រសាសន៍ឱ្យដឹងកាលពីពេលថ្មីៗនេះថា នាពេលអនាគត តំបន់ផ្លូវក្រវាត់ក្រុងទី៣ នឹងមានការរីកចម្រើនមិនចាញ់តំបន់ដទៃនោះទេ ដោយសារតំបន់នេះ ស្ថិតនៅកៀកនឹងព្រលានយន្តហោះអន្តរជាតិតេជោ ក្រុងតាខ្មៅ ដែលវានឹងធ្វើឲ្យមនុស្សកាន់តែច្រើនចូលមករស់នៅ និងប្រកបអាជីវកម្មនៅតំបន់នេះ។
លោកបន្តថា “ជាមួយនឹងការសាងសង់ហេដ្ឋារចនាសម្ព័ន្ឋធំទូលាយ និងផ្តោតលើសហគមន៍បៃតង បុរី GB Residence នឹងទាក់ទាញមនុស្សមករស់នៅច្រើន និងប្រកបអាជីវកម្មបាន”។
លោកបានពន្យល់បន្តថា “ហេតុផលនៅត្រង់ថា មុខបុរីរបស់យើងមានផ្លូវបេតុងទំហំ៥០ម៉ែត្រ ដែលអនុញ្ញាតិឲ្យសាធារណជន ពិសេសអ្នកដំណើរជាតិ អន្តរជាតិនឹងធ្វើដំណើរឆ្លងកាត់តំបន់នេះ ដើម្បីចេញ ចូលទៅកាន់ព្រលានយន្តហោះ”។
លោកតាំង កៅគៀត បានបន្តថា អ្នកវិនិយោគផ្ទះនៅទីនេះ មិនត្រឹមទទួលបានសំណង់មានគុណភាពនោះទេ ប៉ុន្តែរចនាបទផ្ទះនិមួយៗមានភាពស្រស់ស្អាត ដោយសរាក្រុមហ៊ុនបានចំណាយទុនយ៉ាងច្រើន ដើម្បីជួលស្ថាបត្យករជំនាញលំដាប់ពិភពលោក មកគូរប្លង់និងរចនាម៉ូតផ្ទះក្នុងគម្រោងនេះ ដែលមើលកាន់តែយូរកាន់តែមានភាពស្រស់ស្អាត។
លើសពីនេះបុរី GB Residence ក៏បានសាងសង់សួនច្បារដ៏ស្រស់ស្អាតនៅក្នុងគម្រោង ដែលអាចឲ្យអ្នកស្នាក់នៅប្រើប្រាស់ សម្រាប់ការកំសាន្ត ការហាត់ប្រាណ និងជួបជុំក្រុមគ្រួសារផងដែរ។
កញ្ញា កាំង តារាវត្តី ប្រធានផ្នែកទីផ្សារនៃគម្រោង GB Residence បានមានប្រសាសន៍ឱ្យដឹងផងដែរថា បុរីនេះបានផ្តោតលើគុណតម្លៃស្នូលធំៗ ដូចជា គុណភាព និងសោភ័ណភាពសំណង់ ហេដ្ឋារចនាសម្ព័ន្ឋធំទូលាយ ការកសាងសហគមន៍បែបបៃតង ដែលមានភាពស៊ីវិល័យ និងស្រស់ស្រាយ ពិសេសមានលក្ខខ័ណ្ឌបង់ប្រាក់ងាយស្រួល និងបត់បែនយ៉ាងប្រសើរ។
កញ្ញាបន្តថា “ខ្ញុំគិតថាអ្នកទិញផ្ទះក្នុងបុរីនេះ នឹងមានផលចំណេញត្រលប់ខ្ពស់ នៅពេល៣ឆ្នាំខាងមុខ ក្រោយពេលអ្នកដំណើរចេញចូលព្រលានយន្តហោះឆ្លងកាត់តំបន់នេះកាន់តែច្រើន”៕
