ដោយវុត្ថា
បាត់ដំបងៈ ប្រជាពលរដ្ឋកម្ពុជានាពេលបច្ចុប្បន្ននេះ កំពុងតែចាប់ផ្តើមស្រឡាញ់ធម្មជាតិ តាមរយៈទៅលេងកម្សាន្ត នៅក្នុងតំបន់រម្មណីយដ្ឋាននានា នៅទូទាំងប្រទេសកម្ពុជា។ ជាមួយគ្នានោះអជ្ញាធរកម្ពុជា ក៏កំពុងយកចិត្តទុកដាក់កាន់តែខ្ពស់ក្នុងការកែលម្អ ក៏ដូចជាអភិរក្សតំបន់ ធនធានធម្មជាតិទាំងនោះឲ្យបានគង់វង្ស សម្រាប់ប្រពលរដ្ឋ និងទុកជាកេរ្តិ៍មរកជំនាន់ក្រោយ។
គេហទំព័រpropertyarea.asisa សូមណែនាំទីតំាងរមណីយដ្ឋានជំរកសត្វស្លាបអាថ៍កំបាំងធម្មជាតិ នៅតំបន់ទន្លេសាប ដែលមានអ្នកខ្លះមិនដែលបានទៅ និងអ្នកខ្លះទៀតធ្លាប់បានទៅលេងកម្សាន្តនៅទីនោះ។
តំបន់ព្រែកទាល់ជាប្រព័ន្ធបរិស្ថានធម្មជាតិ និងរមណីយដ្ឋានជំរកសត្វស្លាបអាថ៍កំបាំងធម្មជាតិមួយគ្មានពីរ ដែលស្ថិតនៅភូមិ ព្រែកទាល់ និងភូមិអន្លងប្អួរ ឃុំកោះជីវាំង ស្រុកឯកភ្នំ ខេត្តបាត់ដំបង ខាងជើងឈៀងខាងលិច នៃទីរួមខេត្តបាត់ដំបង និងមានចម្ងាយស្មើនឹងពាក់ កណ្តាលផ្លូវនៃការធ្វើដំណើរតាមទូកពីខេត្តបាត់ដំបង ទៅខេត្តសៀមរាប។
