ដោយៈ ជេស៊ីកា
ភ្នំពេញៈ ជាប្រធានសមាគមសណ្ឋាគារ ដោយមានសណ្ឋាគារផ្ទាល់ខ្លួនចំនួន៧ ទីតាំង និងជាម្ចាស់គំរោងអភិវឌ្ឍន៍រមណីយដ្ឋាន ភូមិផ្កាត្រកួន និងគំរោងបុរីមង្គលវីឡា លោកឌិន សុមេធារិទ្ឋត្រូវបានគេស្គាល់ជាសហគ្រិនជោគជ័យមួយរូប។
លោកតែងតែចែករំលែកគន្លឹះពីភាពជាអ្នកដឹកនាំ គន្លឹះជោគជ័យក្នុងមុខជំនួញ ការដឹកនាំអាជីវកម្ម និងផែនការជីវិតជាដើម។
នៅថ្ងៃនេះគេហទំព័រPropertyarea.asia សូមលើកយកនូវគន្លឹះថ្មីសំខាន់ៗចំនួន៧ចំណុច ដែលលោកបានចែករំលែកពីគន្លឹះ សម្រាប់ការងារអភិវឌ្ឍន៍។
គន្លឹះសំខាន់ៗទាំង៧នោះរួមមានដូចជា ទី១- ធ្វើផែនការមេ ទី២- ធ្វើប្លង់មេ ប្លង់បច្ចេកទេស និងប្លង់លំអិត ទី៣- ស្វែងរកប្រភពធនធាន នៃការអភិវឌ្ឍន៍។ ទី៤- អនុវត្តផែនការ តាមផែនការមេ និងប្លង់មេ ប្រកបដោយប្រសិទ្ធភាពខ្ពស់ ។ ទី៥- កែសម្រួលប្លង់ និងផែនការ ទៅតាមភាពចាំបាច់ និងជាក់ស្តែង។ ទី៦- ត្រួតពិនិត្យ និងវាយតំលៃ សកម្មភាពការងារ និងសមិទ្ធផល និងទី៧- ដកស្រង់បទពិសោធន៍ការងារ ដើម្បីស្វែងរកភាពប្រពៃ៕
