តើលោកRobert Kiyosakiប្រាប់វិធីបែបណាខ្លះដើម្បីទាញលុយអ្នកដទៃ មកវិនិយោគលើវិស័យអចលនទ្រព្យ

0

ដោយៈ ច្រាយ ចំណាន

       ភ្នំពេញៈ ​​​​លោក​ ​​Robert Kiyosaki​ ដែល​ជា​អ្នក​និពន្ធ​ ​និងជា​អ្នក​វិនិយោគ​ផ្នែក​ចលនទ្រព្យ​ដ៏​ល្បី ​នៅ​​សហរដ្ឋអាមេរិក​ បានចែករំលែកគន្លឹះជាច្រើនដល់អ្នមកចង់វិនិយោគក្នុងវិស័យអចលនទ្រព្យ តាមរយៈការខ្ចីដៃអ្នកដទៃ ដើម្បីយកមកវិនិយោគក្នុងវិស័យនេះ។

លោកបាន​លើក​ឡើង​ថា ​​​អ្នក​ដែល​គ្មាន​​លុយ​ គួរ​ប្រើ​ប្រាស់​លុយ​អ្នកដទៃ​ដើម្បី​វិនិយោគ ដោយប្រើប្រាស់មូលដ្ឋានជាច្រើនដូចជា

​ទី១ គ្រឹះស្ថានហិរញ្ញវត្ថុ

       គ្រឹះស្ថានហិរញ្ញវត្ថុ ដែលសំដៅដល់ធនាគារ​ ​​និងមីក្រូហិរញ្ញវត្ថុបាន​ដើរ​តួយ៉ាង​សំខាន់​​ក្នុង​ការ​ ជួយ​សម្រួល​ទៅ​ដល់​​ មនុស្ស​ជាច្រើន​​ ជាពិសេស​​ម្ចាស់​អាជីវកម្ម​ទាំង​ឡាយ ដែល​ត្រូវ​ការ​លុយ​ដើម្បី​ប្រើប្រាស់​ក្នុង​ដំណើរការ​​​ និង ​​វិនិយោគ​ទៅ​លើ​គម្រោង​ផ្សេងៗ។ ​​សម្រាប់​អ្នក​រកស៊ី​ ​​​វា​​ជា​រឿង​ជៀស​​មិន​ផុត​នោះ​ទេ​ ក្នុង​ការ​ខ្ចី​ប្រាក់​ពី​ធនាគារ​​ ​ព្រោះ​វា​ជា​ប្រភព​លុយ​ដ៏​សំខាន់​​ក្នុង​ការ​ពង្រឹង​​ និង​ ពង្រីក​អាជីវកម្ម​។

ទី២ ​​អ្នក​​​ឲ្យ​​ខ្ចី​លុយ​​ឯកជន

​​​​​អ្នក​ខ្លះ​​​​មាន​លុយ​ច្រើន​​ ​ហើយ​ក៏​ស្វាគមន៍​​រាល់​ការ​ខ្ចីបុល ​ពី​​​​មនុស្ស​ផ្សេងៗ​ នៅ​ពេល​ពួក​អាច​ជឿជាក់​បាន​ថា ​នឹង​មិន​បោក​ប្រាស់​ ​ឬ ​នឹង​សង​បំណុល​​វិញ​តាម​ការ​សន្យា។​​​ ​​​អ្នក​ទាំង​នេះ​​​អាច​ជា  បងប្អូន ​មិត្តភ័ក្តិ​ ​​​​ក្រុមហ៊ុន​វិនិយោគ​ ឬ ​​នរណា​ម្នាក់​ដែល​មាន​លុយ​ច្រើន​ ​​​តែ​គ្មាន​ពេល​គ្រប់គ្រាន់​ដើម្បី​រកស៊ី​​ខ្លួន​ឯង​​។

ទី៣ ​​អ្នក​​លក់​អចលនទ្រព្យ​

បច្ចុប្បន្ន​នេះ ​អ្នក​​លក់​ចលនទ្រព្យ​ភាគច្រើន ​​គឺ​​ប្រើប្រាស់​វិធី​បង់​​រំលង​ ​​​ដែល​នេះ​ជា​ឱកាស​មួយ​ សម្រាប់​​អ្នក​ដែល​មិន​មាន​លុយ​ច្រើន​ ក្នុង​ការ​ទិញ​អចលនទ្រព្យ​ ក្នុង​តម្លៃ​​សរុប​ទាំង​មូល​តែ​​ម្តង។ ​សម្រាប់​អ្នក​ដែល​មាន​ប្រភព​ចំណូល​មួយ​ច្បាស់លាស់​ ​ហើយ​ចង់​​​ទិញ​ប្រភេទ​ដី ឬ ផ្ទះ​ផ្សេងៗ​ ​គួរ​គិត​ទៅ​ដល់​វិធី​នេះ​​ ​ព្រោះ​បើ​អ្នក​រង់ចាំ​រហូត​ដល់​ ពេល​ដែល​អ្នក​មាន​​លុយ​គ្រប់គ្រាន់​ក្នុង​ដៃ​ ដើម្បី​ទិញ​នោះ​​ប្រហែល​ជា​អ្នក​នឹង​យឺត​ពេល​ ព្រោះ​ថា តម្លៃចលនទ្រព្យ​ចេះតែ​កើន​​ឡើង​រហូត​ ​ ខណៈ​ប្រាក់​ចំណូល​របស់​អ្នក​ប្រហែល​ជា​មិន​អាច​សល់​​ ព្រោះ​​តម្រូវការ​​​ចេះ​តែ​មាន​។

ទី៤ ​អ្នក​វិនិយោគ​

​​សម្រាប់​អ្នក​ដែល​មាន​ផែនការ​អាជីវកម្ម​ចលនទ្រព្យ​ល្អ ​តែ​គ្មាន​លុយ​នោះ ​អ្នក​អាច​ព្យាយាម​ស្វែងរក​​​ក្រុម​អ្នក​វិយោគ​​ផ្សេងៗ ​តែ​អ្វី​ដែល​សំខាន់​​នោះ ​អ្នក​ត្រូវ​តែ​មាន​ផែនការ​ច្បាស់លាស់​មួយ ដែល​​ធ្វើ​​​ឲ្យ​ក្រុម​អ្នកវិនិយោគទុន​នោះ ​មើល​ឃើញ​ថា ​ពេល​ពួកគេ​បោះទុន​ចូល​ទៅ​នឹង​ចំណេញ​​ច្រើន​៕

 

 

LEAVE A REPLY

Please enter your comment!
Please enter your name here