ដោយៈ គង់ សូរិយា
ភ្នំពេញៈ ទោះមិនមានអាគារខ្ពស់ជាងគេនៅលើពិភពលោក ប៉ុន្តែប្រទេសចិន បានជាប់ចំណាត់ថ្នាក់ជាប្រទេស ដែលសាងសង់អាគារខ្ពស់ៗច្រើនជាងគេលើពិភពលោក។
ថ្ងៃនេះគេហទំព័រPropertyarea.asia សូមលើកយកមកបង្ហាញនូវអាគារកប់ពពកមួយ នៅប្រទេសចិន ដែលនោះគឺអគារPing An ដែលមានកម្ពស់រហូតដល់1,966 ហ្វីត (599.1 ម៉ែត្រ) ជាមួយនឹងជាន់115 ជាន់ ក្នុងនោះមានជាន់ក្រោមដីចំនួន៥ជាន់។
មជ្ឈមណ្ឌលពាណិជ្ជកម្មលំដាប់ពិភពលោកនេះ បានបញ្ចប់ការសាងសង់ទាំងស្រុនៅឆ្នាំ២០១៧។
មជ្ឈមណ្ឌលហិរញ្ញវត្ថុអន្តរជាតិ Ping An ត្រូវបានគេស្គាល់ថាជាអគារខ្ពស់ជាងគេ នៅទីក្រុងShenzhen ដែលជាអគារខ្ពស់ទី២នៅក្នុងប្រទេសចិន និងជាអគារខ្ពស់ទី៤នៅលើពិភពលោក។
អគារនេះ រួមមានជាន់ការិយាល័យប្រហែល១០០ជាន់ ថែមទាំងមានទីតាំងសម្រាប់លក់រាយ និងវេទិកាសន្និសីទ ដែលអាចផ្ទុកបុគ្គលិកការិយាល័យបានជិត15,500នាក់ និងអ្នកដំណើរប្រហែល9,000 នាក់។
មជ្ឈមណ្ឌលលំដាប់អន្តរជាតិនេះ ដើមឡើយត្រូវបានរចនាក្នុងកម្ពស់ 660 ម៉ែត្រ ប៉ុន្តែដោយសារដែនកំណត់កម្ពស់អាកាសចរណ៍ ទីបំផុតវាត្រូវបានដាក់កម្រិតឱ្យសាងសង់ក្រោមកម្ពស់600 ម៉ែត្រវិញ៕
