ក្រសួងសាធារណៈការបង្ហាញវិធីសាស្រ្តកាត់បន្ថយការកកស្ទះលើផ្លូវល្បឿនលឿនភ្នំពេញ ព្រះសីហនុ

ដោយៈ និស្ស័យ

        ភ្នំពេញៈ ចេញចូលតាមគន្លង ANPR និងគោរពតាមគំនូសសញ្ញាគន្លងផ្លូវ នៃច្រកចេញចូលផ្លូវល្បឿនលឿនភ្នំពេញ -ព្រះសីហនុ ដើម្បីបង្កភាពងាយស្រួល ដោយកាត់បន្ថយការកកស្ទះ ចំណាយពេលវេលាតិច និងមិនរង់ចាំយូរ។

ក្រសួងសាធារណៈការ និងដឹកជញ្ជូនបានបញ្ជាក់ថា ចាប់ពីថ្ងៃនេះតទៅ ក្រុមហ៊ុនផ្លូវល្បឿនលឿន បានដាក់ដំណើរការផ្លាកសញ្ញាបង្ហាញច្រក ANPR និងគំនូសសញ្ញាគន្លងផ្លូវនីមួយៗ នៅច្រកចំនួន ៤ រួមមាន៖ ច្រកភ្នំពេញ ច្រកកំពង់ស្ពឺកើត ច្រកស្ទឹងហាវ និងច្រកព្រះសីហនុ។

ចុចទីនេះដើម្បី Subscribe Telegram Channel «Property Area Asia» សម្រាប់ទទួលបានព័ត៌មានថ្មីៗ

-->

លោកអ្នកអាចមើលគំនូសសញ្ញាគន្លងផ្លូវនីមួយៗ មុនចូលគន្លងណាមួយដើម្បីជៀងវាងការកកស្ទះ និងអាចបង់កម្រៃសេវាផ្លូវល្បឿនលឿនតាមវិធីដែលលោកអ្នកចូលចិត្ត។ គន្លង ANPR គឺស្ថិតនៅខាងឆ្វេងដៃនៃច្រកចេញចូល ដោយជាប់ខាងស្តាំច្រក ETC។

អត្ថប្រយោជន៍ គន្លង ANPR ជាច្រកអាទិភាព ក្នុងការចេញចូល ដែលមានលក្ខណៈសាមញ្ញ លោកអ្នកគ្រាន់តែបញ្ជូលសមតុល្យតាមផ្លាកលេខជាមុន និងចេញចូលគន្លងដែលមានសញ្ញា ANPR។ ការប្រើប្រាស់គន្លងនេះ មិនតម្រូវឲ្យយកកាត និងប្រើប្រាស់សាច់ប្រាក់ឡើយ ដោយលោកអ្នកគ្រាន់តែបញ្ចូល សមតុល្យទៅក្នុងផ្លាកលេខជាការស្រេច។

សាធារណៈជន អាចបញ្ចូលសមតុល្យទៅ ក្នុងផ្លាកលេខសម្គាល់យានយន្តជាមុន តាមកម្មវិធីធនាគារក្នុងទូរស័ព្ទដៃ (Mobile Banking) នៃគ្រឹះស្ថានហិរញ្ញវត្ថុ និងធនាគារដៃគូ របស់ក្រសួងសាធា​រណការ និងដឹកជញ្ជូន ដែលមានគ្រឹះស្ថានដៃគូចំនួន៨ ដូចជា

១. ធនាគារ ជីបម៉ុង(Chip Mong Bank)

២. ធនាគារ អេស៊ីលីដា(ACLEDA Bank)

៣. ធនាគារ វឌ្ឍនៈអាស៊ីចំកាត់ (ABA Bank)

៤. ធនាគារវីង(Wing Bank)

៥. ធនាគារ វឌ្ឍនៈ(VATTANAC Bank)

៦. ធនាគារកាណាឌីយ៉ា(Canadia Bank)

៧. លីហួរវេរលុយ (LyHour PayPro)

៨. ធនាគារព្រីនស៍ (PRINCE Bank)។

លោក អ្នក អាចពិនិត្យសមតុល្យទឹកប្រាក់ ដែលបានបញ្ចូល ឬនៅសល់ ដោយការស្គែនQR Code នៅលើលតាបត្រត្រួតពិនិត្យលក្ខណៈបច្ចេកទេសយានជំនិះ (ឆៀក) ឬលតាបត្រអនុញ្ញាតសម្រាប់ទោចក្រយានយន្ត៕