ដោយៈ ហ្វីអូណា
ភ្នំពេញៈ តាមកម្មវិធីគ្រោងទុក សម្តេចតេជោនឹងអញ្ជើញចូលរួមសម្ភោធរោងចក្រផលិតកង់ រថយន្តតម្លៃ៣០០លានដុល្លារ នៅថ្ងៃទី២២ ឧសភាខាងមុខនេះ។
នៅព្រឹកថ្ងៃទី១៦ ខែឧសភា ឆ្នាំ២០២៣ លោកយូ ស៊ុនឡុង រដ្ឋមន្រ្តីប្រតិភូអមនាយករដ្ឋមន្រ្តី លោកអ៊ិត សំហេង រដ្ឋមន្រ្តីក្រសួងការងារ និងបណ្តុះបណ្តាលវិជា្ជជីវៈ និងលោកគួច ចំរើន អភិបាល នៃគណៈអភិបាលខេត្តព្រះសីហនុ អញ្ជើញចុះពិនិត្យទីតាំងរៀបចំសំណេះសំណាលជាមួយកម្មករ និយោជិត និងពិនិត្យទីតាំងរោងចក្រផលិតសំបកកង់រថយន្ត នៅក្នុងតំបន់សេដ្ឋកិច្ចពិសេសក្រុងព្រះសីហនុ។
ការបើកដំណើរការរោងចក្រដ៏ធំនេះ គ្រោងនឹងរៀបចំពិព័រណ៌ និងសម្ពោធរោងចក្រផលិត សំបកកង់រថយន្តរបស់ក្រុមហ៊ុន ជេនេរ៉ល ថាយអឺរ ថេកណឡជី (ខេមបូឌា) ឯ.ក នៅតំបន់សេដ្ឋកិច្ចពិសេសបិតត្រាំងក្រុងព្រះសីហនុ នៅថ្ងៃទី២២ ខែឧសភា ឆ្នាំ២០២៣ខាងមុខ៕
