លោកជំទាវឧកញ៉ាគង់ សំណាងលើកឡើងពីគុណសម្បត្តិចំនួន៤របស់បុរីវិមានសំណាង

0

ដោយៈ គង់ សូរិយា

        ភ្នំពេញៈ​ ជាមួយនឹងប្រឡាយធម្មជាតិប្រវែង១គីឡូម៉ែត្រ និងការដាំដើមឈើធំៗ និងការរៀបចំសហគមន៍អាជីវកម្មជុំវិញ បានដើរតួនាទីសំខាន់ ក្នុងការកសាងសហគមន៍មួយ ប្រកបដោយភាពសុខដុមសម្រាប់បុរីវិមានសំណាង។

ហេតុនេះ ការរស់នៅពិតជាត្រូវជ្រើសរើស លើទីតាំងជាពិសេសដើម្បីផ្តល់ឲ្យជីវិតមានផាសុខភាព និងសុភមង្គល។លោកជំទាវឧកញ៉ាគង់ សំណាងអគ្គនាយិកាបុរីវិមានសំណាង​បានមានប្រសាសន៍ឲ្យដឹងថា ការអភិវឌ្ឍន៍របស់យើង បានសិក្សាជាច្រើន មុនសម្រេចចិត្តជ្រើសរើសទីតាំងនេះ ដើម្បីបំពេញនិងឆ្លើយតប​នឹងបែបផែ​ននៃការរស់នៅក្នុងយុគសម័យថ្មី ហេតុនេះទើបយើងផ្តោត​លើមូលដ្ឋានសំខាន់ៗមួយចំនួន ដូចជា
ទី១ ជាតំបន់ស្ថិតនៅជាប់ផ្ទៃបឹង និងដងព្រែកធម្មជាតិដ៏ស្រស់ស្អាត ដែលផ្តល់ឲ្យបរិយាកាសរស់នៅមានភាពស្រស់ស្រាយ។
ទី២ ជាតំបន់ដែលប្រមូលផ្តុំ ដោយមជ្ឈមណ្ឌលពាណិជ្ជកម្មធំៗ ដូចជាផ្សារGlobal House, AEON Mall2Makro,។

ទី៣ ជាតំបន់ដែលមានការអភិវឌ្ឍន៍លឿន និងជាប់នឹងរមណីយដ្ឋានធម្មជាតិចំនួន២ គឺរមណីយដ្ឋានភ្នំរាប និងភ្នំប្រសិទ្ឋត្រៃយ៍ត្រឹង
ទី៤ ជាទីតាំង ដែលអ្នកអភិវឌ្ឍន៍ជាតិ អន្តរជាតិកំពុងចាប់អារម្មណ៍ ដោយសារវាស្ថិតនៅជិតពហុកីឡដ្ឋានមរតកតេជោ សួនសត្វសាហ្វារីវើលដ៏ជាដើម។

ជាមួយគ្នានេះ លោកជំទាវគង់ សំណាងបានបន្តថា និន្នាការរបស់អ្នកមានជីវភាពធូរធារ កាន់តែឆ្ពោះទៅកាន់ភាគខាងជើងរាជធានី ដោយសារតំបន់នេះមា​នការអភិវឌ្ឍលឿន ជាតំបន់ ដែលក្រសួងស្ថាប័នរដ្ឋកាន់តែច្រើនជ្រើសរើស បោះទីតាំងនៅតំបន់នេះ។

លោកជំទា​វបន្តថា “ដោយសាររសនិយម និងចំនួនអ្នកមាននៅកម្ពុជាកើនឡើង បានធ្វើឲ្យក្រុមហ៊ុនសម្រេចចិត្ត វិនិយោគបុរីលំដាប់អភិជននេះឡើង ដើម្បីឆ្លើយតបនឹងតម្រូវការរបស់ប្រជាពលរដ្ឋ”។

លោកជំទាវគង់ សំណាងបានបន្តថា “យើងបានគិតគូ ទាំងសោ​ភ័ណភាពសំ​ណ​ង់ រចនាបទម៉ូតផ្ទះ គុណភាពនៃការឌីសាញក្នុងគំរោង ត្រូវបានផ្ចិតផ្ចង់ និងសំរិតសំរាំងបំផុត ដើម្បីបំពេញចិត្ត និងក្តីស្រម័យរបស់អភិជននានា”៕

 

LEAVE A REPLY

Please enter your comment!
Please enter your name here