ដោយៈ ជេស៊ីកា
ភ្នំពេញៈ អតីតឯកអគ្គរដ្ឋទូតជប៉ុនប្រចាំកម្ពុជា លោកYuji Kumamaru បានបង្ហើបពីបំណងរបស់ក្រុមហ៊ុន Japan Dream Tours ដែលជាក្រុមហ៊ុនទេសចរណ៍មួយដ៏ធំ នៅក្នុងប្រទេសជប៉ុនមកបើកការិយាល័យនៅរាជធានីភ្នំពេញ និងខេត្តសៀមរាប។
ក្រុមហ៊ុននេះ មានវត្តមានស្នាក់ការរហូតដល់២៥ប្រទេស នៅជុំវិញពិភពលោក ដែលអាចនាំភ្ញៀវទេសចរធ្វើដំណើរកម្សាន្ត ក្នុងមួយឆ្នាំប្រមាណ៥ម៉ឺននាក់ គ្រោងមកបើកការិយាល័យនៅទីក្រុងទាំងពីរដើម្បីជួយសម្រួលធ្វើយ៉ាងណា ឱ្យមានភ្ញៀវទេសចរជប៉ុន មកទស្សនានៅកម្ពុជា និងភ្ញៀវទេសចរកម្ពុជា បានទៅទស្សនានៅប្រទេសជប៉ុនផងដែរ។
ការលើកឡើងខាងលើនេះ បានធ្វើឡើងក្នុងជំនួបរបស់លោក Yuji Kumamaru និងលោកថោង ខុនរដ្ឋមន្រ្តីក្រសួងទេសចរណ៍។
